Maza Sindhudurg

 बांदा  : चार दिवसांपूर्वी झालेल्या मुसळधार पावसामुळे बांदा- आळवाडा बाजारपेठेत 30 पाणी घुसले होते . या पार्श्वभूमीवर शालेय शिक्षणमंत्री दीपक केसरकर यांनी आज येथे भेट देत तत्काळ ५० हजारांची मदत दिली . तसेच तहसीलदार श्रीनिवास पाटील यांना नुकसानीचे पंचनामे करून तत्काळ अहवाल देण्याचे आदेश दिले . यावेळी बांदा- शेर्ले पुलाची त्यांनी पाहाणी केली . पुलाच्या दोन्ही बाजूला रस्त्यासाठी लागणारा आवश्यक निधी देण्याची ग्वाही त्यांनी दिली , तर वाफोली येथे घराची भिंत कोसळून नुकसान झालेल्या परब कुटुंबीयांना रोख १० हजारांची मदत दिली . शनिवार व रविवारी झालेल्या पावसामुळे मुसळधार बांदा - आळवाडा बाजारपेठेत काही दुकानांत पाणी घुसून नुकसान झाले . आज मंत्री केसरकर सिंधुदुर्ग दौऱ्यावर असताना प्रथम त्यांनी बांदा येथे भेट दिली . यावेळी बांदा सरपंच अक्रम खान , ग्रामपंचायत सदस्य राजेश विरनोडकर , माजी ग्रामपंचायत सदस्य हुसेन मकानदार , उद्योजक संदेश पावसकर , प्रीतम हरमलकर , भाऊ वाळके , पांडुरंग नाटेकर , सुनील धामापूरकर , सहाय्यक पोलिस निरीक्षक श्यामराव काळे , तलाठी वर्षा नाडकर्णी , भैया गोवेकर अ उपस्थित होत...

 सावंतवाडी : शहरातील वैश्य वाडा हनुमान मंदिर येथे श्री हनुमान मंदिर उत्सव समिती वैश्यवाडा, सार्वजनिक गणेशोत्सव मंडळ सावंतवाडी तर्फे २१ दिवसांच्या सार्वजनिक बाप्पा चरणी सामुदायिक अथर्वशीर्ष पठण व सहस्त्रमोदक नैवेद्य अर्पण सोहळा पार पडला. अंगारक संकष्ट चतुर्थी निमित्त या सोहळ्याच आयोजन करण्यात आला होत. यावेळी तब्बल ५ हजार ५५६ मोदकांचा नैवेद्य श्री गणेशाला अर्पण करण्यात आला. उकडीचे मोदक, तळणीचे मोदक, खवा मोदक आदी विविध प्रकारचे हजारो मोदक बाप्पाला अर्पण करण्यात आले.दरवर्षी हा सोहळा या ठिकाणी पार पडतो. यावेळी मोदकांचा नैवेद्य अर्पण करत नवस देखील पूर्ण केला जातो. पुजा, महाआरतीनंतर गणेशभक्तांनी मोठ्या संख्येने उपस्थित राहात या सोहळ्यात सहभाग घेतला होता. यावेळी वैश्यवाडा येथील नागरिक मोठ्या संख्येने उपस्थित होते.

  कणकवली : वागदे येथे झालेल्या अपघातात मृत्यू झालेल्या नरडवे येथील प्रशांत सावंत यांच्या कुटुंबाला आमदार नितेश राणे यांनी 10 लाख रुपये आर्थिक मदत जाहीर केली होती. त्यानुसार त्यांच्या पत्नी श्रीमती सुचिता प्रशांत सावंत व मुलगा प्रथमेश प्रशांत सावंत यांच्याकडे ही रक्कम सुपूर्द करण्यात आली. त्यावेळी माजी जि. प. अध्यक्ष संदेश उर्फ गोट्या सावंत, माजी जि. प. सदस्य सुरेश ढवळ, ॲड. प्रसन्ना सावंत, राकेश परब आदी पदाधिकारी उपस्थित होते.

  कणकवली:सहाचाकी सील लावलेल्या कंटेनरमधून छुप्या पद्धतीने करण्यात येत असलेली दारूची वाहतूक राज्य उत्पादन शुल्क कणकवलीच्या पथकाने उघडकीस आणली असून कणकवलीनजीक ओसरगाव पोस्ट बसथांब्याजवळ 48,51,480/ रु. किमतीचा गोवा बनावटीचा मद्यासाठा जप्त केला आहे. राज्य उत्पादन शुल्क कणकवलीच्या पथकाने ओसरगाव पोस्ट बसथांब्याजवळ राष्ट्रीय महामार्गावर मुंबईच्या दिशेने वाहतूक होणारा सुमारे 48,51,480/ रु. किमतीचा गोवा बनावटीचा मद्यासाठा जप्त केला आहे.. या मद्यसाठयाची वाहतूक एका सहाचाकी सील लावलेल्या कंटेनरमधून छुप्या पद्धतीने करण्यात येत होती. या प्रकरणी विक्रांत विवेक मलबारी, (वय 33 वर्षे रा. ओरोस, ख्रिश्चनवाडी ता. कुडाळ )या इसमास ताब्यात घेण्यात आले. या कारवाईत गोवा राज्यात विक्रीस असलेले विदेशी मद्याचे 450 बॉक्स, बिअरचे 63 बॉक्स व वाहनाच्या किमतीसह एकूण 55,11,480/-रु. किमतीचा मुद्देमाल जप्त करण्यात आला. ही कारवाई उत्पादन शुल्कचे जिल्हा अधीक्षक डॉ. बी. एच.तडवी यांच्या मार्गदर्शनाखाली निरीक्षक प्रभात सावंत, दुय्यम निरीक्षक संतोष पाटील, जमदाजी मानेमोड, जवान शिवशंकर मुपडे, रणजित शिंदे, स्नेहल कुवेसकर मदतनीस...

 सिंधुदुर्गनगरी : प्रधानमंत्री सुरक्षा विमा योजना सिंधुदुर्ग जिल्हा बँकेच्यावतीने राबवली जाते. या योजनेअंतर्गत तुळस येथील अपघाती निधन झालेले महेश वसंत साटम यांची वारस पत्नी ममता साटम यांना सिंधुदुर्ग जिल्हा बॅक अध्यक्ष मनिष दळवी यांच्या हस्ते दोन लाख रक्कमेचे विमा पत्र बँकेच्या होडावडा शाखेत सुपूर्द करण्यात आले. यावेळी शाखाव्यवस्थापक सुनिल जाधव व बँक कर्मचारी उपस्थित होते. वेंगर्ले तालुक्यातील तुळस गावातील महेश सावंत यांचे विहीरीत पडून निधन झाले होते. मयताच्या नांवे सिधुदुर्ग जिल्हा बँकेमार्फत प्रधानमंत्री सुरक्षा विमा योजना अंतर्गत विमा उतरविण्यात आला होता. सोमवारी मयताच्या वारसास जिल्हा बॅक अध्यक्ष मनिष दळवी यांच्या हस्ते दोन लाख रक्कमेचे विमा पत्र सुपूर्द करण्यात आले.

  वेंगुर्ले :सिंधुदुर्ग जिल्हा पर्यटन जिल्हा झाला असून या जिल्ह्यामध्ये अजून पर्यटन व्यवसाय वृद्धिगत करायचा असेल तर आम्हा सर्व पर्यटन व्यवसायिकांना एकसंघ होऊन संघर्षातून नाही तर समन्वयातून काम करायचे आहे, असे प्रतिपादन पर्यटन व्यावसायिक महासंघाचे अध्यक्ष बाबा मोंडकर यांनी वेंगुर्ले येथे केले. दरम्यान वेंगुर्ले येथे 27 सप्टेंबर रोजी जागतिक पर्यटन दिनी येथील पर्यटनाला चालना देण्यासाठी “पर्यटन मेळावा” भव्य स्वरूपात आयोजित केला आहे असेही श्री. मोंडकर यांनी सांगितले. सिंधुदुर्ग जिल्ह्याच्या टुरीझमला गतिमान करण्याचा महासंघाचा उद्देश आहे. म्हणूनच जागतिक पर्यटन दिनी म्हणजे मंगळवार 27 सप्टेंबर रोजी दुपारी 3 ते सायंकाळी 6.30 यावेळेत वेंगुर्लेत होणाऱ्या जिल्हास्तरीय पर्यटन व्यावसायिकांचा मेळाव्यात केंद्र व राज्य शासनातील मंत्री, पर्यटन विभागाचे अधिकारी यांना निमंत्रीत करण्यात येणार असून त्यांच्या माध्यमातून पर्यटन व्यावसायिकांचे प्रश्न व समस्या सोडविण्याचा प्रयत्न केला जाणार असल्याची माहिती श्री. मोंडकर यांनी वेंगुर्ले येथे आयोजीत पत्रकार परीषदेत दिली. येथील साईमंगल कार्यालयात पर्यटन व्यावसाय...

 गेल्या तीन-चार दिवसांपासून कोसळणाऱ्या मुसळधार पावसामुळे सर्वत्र पूर सदृश्य परिस्थिती निर्माण झाली आहे.त्यातच तेरेखोल नदीला आलेल्या पुरामुळे हे पाणी शेतकऱ्यांच्या शेतात घुसले आहे. पाऊस सुरू असल्याने शेतातील पाण्याचा निचरा होत नसल्याने या शेतकऱ्यांच्या हाता तोंडाशी आलेले भाताचे पीक कुजून जात असून त्यांचे नुकसान होत आहे.त्यामुळे कृषी विभागाने व महसूल विभागाने याचे तात्काळ पंचनामे करून शेतकऱ्यांना तात्काळ जास्तीतजास्त मदत मिळवून द्यावी अशी मागणी शिवसेना बांदा शहरप्रमुख तथा ग्रामपंचायत सदस्य साईप्रसाद काणेकर यांनी प्रशासनाकडे केली आहे.

  सावंतवाडी : न्हावेली येथील नागझरवाडी येथे राहणारे रुपेश कृष्णा सवाळ यांना आज सकाळी 9 वाजेच्या दरम्यान घराशेजारी असलेल्या चिरेबंदी विहिरीमध्ये बिबट्या पडला असल्याचे निदर्शनास आले. यानंतर त्यांनी वनपरिक्षेत्र कार्यालय सावंतवाडी येथे संपर्क साधला. याबाबतची माहिती मिळताच वनपरिक्षेत्र अधिकारी सावंतवाडी मदन क्षीरसागर हे आपल्या बचाव पथकासह तात्काळ घटनास्थळी दाखल झाले. त्यासोबतच वनपरिक्षेत्र अधिकारी कडावल अमित कटके हे ही आपल्या बचाव पथकासह घटनास्थळी दाखल झाले. विहिरीचे निरीक्षण केले असता बचाव पथकाला असे निदर्शनास आले की विहिर ही एकूण 40 फुट खोल असून कठड्यापासून सध्याची पाण्याची पातळी अंदाजे 15 फुटावर आहे. काल रात्रीच्या अंधारात कोंबड्या किंवा भटक्या कुत्र्यांच्या शिकारीसाठी आल्यावर विहिरीचा अंदाज न आल्यामुळे अपघाताने हा बिबट्या विहिरीत पडला असावा, जीव वाचवण्यासाठी बिबट्याने विहिरीच्या पाणीपातळीच्या जवळ असलेल्या खोबणीचा सहारा घेतला. खोबणही विहिरीच्या भिंतीत गुहेप्रमाणे 3 ते 4 फूट आत पर्यंत पोकळ असल्याने बिबटा त्या खोबणीचा सहारा घेऊन त्यात लपून बसला होता. बघ्यांची वाढत असलेली गर्दी, खोबणी...

  सावंतवाडी : शैक्षणिक दृष्ट्या महाराष्ट्र राज्य पुढारलेले आहे . परंतु प्रशासकीय दृष्ट्या आवश्यक असलेली पूर्तता होत नसल्याने केंद्र सरकारच्या रँकमध्ये राज्य नवव्या क्रमांकावर आहे . मात्र यापुढे राज्य प्राथमिक आणि माध्यमिक शालेय शिक्षणात भारतात अग्रेसर राहील , असे काम केले जाईल असा आशावाद राज्याचे शालेय शिक्षण , मराठी भाषा मंत्री दीपक केसरकर यांनी व्यक्त केला .  नाम . दीपक केसरकर गुरूसेवा शिक्षक पुरस्काराने सिंधुदुर्ग जिल्ह्यातील सुमारे २७ शिक्षकांचा सन्मान करण्यात आला . यावेळी मंत्री केसरकर बोलत होते . यावेळी माजी उपनगराध्यक्ष राजन पोकळे , महाराष्ट्र मराठी अध्यापक संघाचे अध्यक्ष वि . न . लांडगे ,केसरकर मित्र मंडळाचे भरत गावडे , विठ्ठल कदम , प्रा . रुपेश पाटील , गुरूनाथ पेडणेकर आदी उपस्थित होते . मंत्री केसरकर पुढे म्हणाले , विद्यार्थी बुद्धिमान आहेत . राज्याने भारतात शैक्षणिक दृष्ट्या क्रमांक एक वर असावे . त्यासाठी राज्याच्या शैक्षणिक दर्जा किती श्रीमंत आहे , हा महत्त्वाचा ठरतो . शिक्षणाचे पवित्र काम गुरुजनांनी करताना विद्यार्थ्यांना आई • वडिलांमध्ये सकारात्मक विश्वास निर्माण...

सावंतवाडी :महाराष्ट्र माध्यमिक शिक्षक संघ फेडरेशन संलग्न सिंधुदुर्ग जिल्हा माध्यमिक अध्यापक संघ यांच्यावतीने शिक्षण मंत्री दीपक केसरकर यांना शनिवारी निवेदन सादर करण्यात आले. यावेळी संघटनेचे अध्यक्ष अजय शिंदे, कार्यवाह विजय मयेकर,माजी अध्यक्ष गुरुनाथ पेडणेकर व विविध पदाधिकारी शिक्षक कर्मचारी बांधव उपस्थित होते. यावेळी त्यांनी आपल्या मागण्या शिक्षण मंत्र्यांसमोर उपस्थित केल्या.दरम्यान शैक्षणिक क्षेत्रातील शासनस्तरावर अनेक प्रश्न प्रलंबित आहेत. या सर्व प्रश्नांची सोडवणूक करण्यासाठी मी कटिबद्ध आहे अशी ग्वाही महाराष्ट्राचे शालेय शिक्षण व मराठी भाषा मंत्री दीपक केसरकर यांनी दिली.

 सावंतवाडी:माध्यमिक शाळेतील शिक्षकेतर कर्मचाऱ्यांच्या विविध प्रलंबित मागण्या संदर्भात महाराष्ट्र राज्याचे शालेय शिक्षण मंत्री यांना सिंधुदुर्ग जिल्हा शिक्षकेतर संघटनेतर्फे निवेदन देऊन तात्काळ शिक्षकेतरांची नोकर भरती सुरू करावी अशा आशयाचे निवेदन देऊन  सविस्तर चर्चा दीपकभाई केसरकर यांच्याशी करण्यात आली आहे. महाराष्ट्र राज्यामध्ये शिक्षकेतर कर्मचारी बांधवांचे विविध प्रश्न प्रलंबित असताना गेल्या कित्येक वर्षापासून नोकर भरती बंद आहे. त्यामुळे प्रशालेतील उर्वरित कर्मचाऱ्यांवर कामाचा ताण पडत असून त्यामध्ये विद्यार्थ्यांचे खूप नुकसान होत आहे  तसेच संस्थाचालक  यांना नाहक त्रास सहन करावा लागत आहे . मुख्याध्यापकांना ही त्रास सहन करावा लागत आहे  शिक्षकेतर कर्मचारी बांधवांच्या समस्या संदर्भात विविध ठिकाणी आंदोलने ,मोर्चे  धरणे आंदोलने केलेली असताना शासनाला जाग यावी  म्हणून सिंधुदुर्ग जिल्हा माध्यमिक उच्च माध्यमिक व अध्यापक विद्यालय  शिक्षकेतर कर्मचारी संघटनेतर्फे खालील विविध मागण्यांचे निवेदन महाराष्ट्र राज्याचे शालेय शिक्षण मंत्री मान  दीपकभाई केसरकर यां...

 बांदा:ऑगस्ट महिन्यात गेल्या १५ दिवसांपासून दडी मारलेल्या पावसाने शनिवार पासून जोरदार बरसण्यास सुरुवात केली आहे.काल बांदा परिसरात सायंकाळ पासून मुसळधार संततधार सुरू असल्याने बांदा परिसरातील सर्वच नदी नाल्याना मोठ्या प्रमाणात पाणी आल्याने सर्वत्र पूर सदृश्य परिस्थिती निर्माण झाली आहे.दरम्यान शनिवारी मध्यरात्रीपासून बांदा परिसराला मुसळधार पावसाने अक्षरशः झोडपून काढले.ढगफुटी सदृश्य पाऊस झाल्याने बांदा येथील तेरेखोल नदीला मोठ्या प्रमाणात पाणी आल्याने या परिसरात पाणी नदी पात्राबाहेर येत लोकवस्तीत घुसले.बांदा आळवाडा बाजारपेठेत पाणी घुसल्याने येथील दुकानदारांची तारांबळ उडाली.दरम्यान येथील व्यवसायिकांनी स्थनिकांच्या मदतीने आपलं किंमती सामान सुरक्षित स्थळी हलवलं. बांदा-आळवाडा भागात नेहमीच पुराचे पाणी येत असल्याने नागरिक सतर्क असतात.या पुराच्या पाण्यापासून बांदा मुख्य बाजारपेठ दूर असल्याने सुरक्षित आहे.बांदा बाजारपेठेला पुराचा कोणताही धोका उदभवत नाही. दरम्यान या भागातील पुरसदृश्य परिस्थितीची अगोदरच कल्पना असल्याने ग्रामपंचायत प्रशासन,पोलीस प्रशासन व महसूल स्थानिक यंत्रणा अलर्ट होती.बांदा सरप...

 बांदा:रात्रभर संततधारपणे कोसळत असलेल्या पावसाने तेरेखोल नदीचे पाणी बांदा शहरातील आळवाडी भागात शिरले आहे. पावसाचा जोर कायम असल्याने शहरात पुरस्थिती उद्भवण्याची शक्यता निर्माण झाली आहे.  या पार्श्वभूमीवर प्रशासन अलर्ट झाले असून सरपंच अक्रम खान, तलाठी वर्षा नाडकर्णी यांनी तात्काळ पुरस्थितीची पाहणी करत व्यापाऱ्यांना सतर्कतेच्या सूचना दिल्या आहेत. शहरातील आळवाडी -शिवाजी चौक रस्ता पाण्याखाली गेला आहे. येथील अनेक दुकानात पुराचे पाणी शिरले आहे. पाण्याचा वेग वाढत असल्याचे स्थानिक व्यापाऱ्यांनी सांगितले आहे.

 बांदा:राज्याचे शालेय शिक्षण व मराठी भाषा मंत्री ना.दीपक केसरकर यांनी बांदा येथील सार्वजनिक गणेशोत्सव मंडळ विठ्ठल मंदिर 'बांद्याचा बाप्पा'चे दर्शन घेतले.यावेळी मंडळाचे अध्यक्ष मंदार कल्याणकर यांच्याहस्ते त्यांचा सत्कार करण्यात आला. कॅबिनेट मंत्री झाल्यानंतर बांदा येथील गणेशोत्सव मंडळाच्या बाप्पाचे दर्शन घेण्यासाठी ना.दीपक केसरकर हे बांदयात आले होते.यावेळी त्यांनी बांद्याचा बाप्पा मंडळाचे व त्यांनी राबविलेल्या उपक्रमाचे कौतुक केले. यावेळी मंडळाचे अध्यक्ष मंदार कल्याणकर, उपाध्यक्ष साईप्रसाद काणेकर,ओंकार नाडकर्णी,सर्वेश गोवेकर,निखिल मयेकर,प्रथमेश गोवेकर,संकल्प केसरकर,अक्षय नाटेकर,अक्षय मयेकर,सुनील नाटेकर यांच्यासह बबन राणे,गणेशप्रसाद गवस,प्रेमानंद देसाई आदी उपस्थित होते.

 बांदा येथील 'बांद्याचा बाप्पा' हा संपूर्ण जिल्ह्यात प्रसिद्ध आहे.या सार्वजनिक गणेशोत्सव मंडळाने आपली सांस्कृतिक आणि सामाजिक बांधिलकी जपत समाजासमोर एक आदर्श निर्माण केला आहे.कोरोना काळ,पूरपरिस्थिती,जिल्ह्यातील विविध सामाजिक संस्थांना मदत करणाऱ्या या मंडळाचे कौतुक करावे तेवढे थोडेच आहे असे गौरवोद्गार माजी शिक्षण व आरोग्य सभापती प्रमोद कामत यांनी काढले. सार्वजनिक गणेशोत्सव मंडळ विठ्ठल मंदिर बांदा यांच्या वतीने मंडळाचे क्रियाशील कार्यकर्ते,डेकोरेटर, मूर्तिकार आदींचा सन्मान येथील विठ्ठल रखुमाई सभागृहात आयोजित करण्यात आला होता.यावेळी प्रमोद कामत बोलत होते.व्यासपीठावर मंडळाचे अध्यक्ष मंदार कल्याणकर, उपाध्यक्ष साईप्रसाद काणेकर,माजी जिल्हा परिषद सदस्या सौ.श्वेता कोरगावकर, सौ.अंकिता स्वार,सौ.मंगल मयेकर,मंडळाचे ओंकार नाडकर्णी, राजेश विरनोडकर,आशुतोष भांगले, प्रीतम हरमलकर, सर्वेश गोवेकर,अक्षय नाटेकर, अक्षय मयेकर,अर्णव स्वार,भाऊ वाळके यांच्यासह मंडळाचे कार्यकर्ते उपस्थित होते. यावेळी आशुतोष भांगले यांनी सांस्कृतिक वारसा जपताना श्री गजाननाला आवडणाऱ्या गोष्टी हे मंडळ करत असून परंपरा जपण्याचा ...

माजी खासदार निलेशजी राणे व राणे परिवाराच्या संकल्पनेतून प्रतिवर्षी प्रमाणे साजरा होणारा सिंधुदुर्ग राजाची विसर्जन मिरवणूक मोठ्या थाटात पार पडली गेली दहा दिवस हा उत्सव मोठ्या प्रमाणावर साजरा झाला विविध सामाजिक, संस्कृती कार्यक्रम राजाच्या दरबारात घेण्यात आले.आज कुडाळ पोस्ट ऑफिस म्हणजेच सिंधुदुर्ग राजाच्या सभामंडप इथून सुरवात झाली कुडाळ पोस्ट ऑफिस, जिजामाता चौक,गांधी चौक मार्ग भैरवाडी, काळप नका,ते पावशी तलाव इथं पर्यंत फटाक्यांच्या आतिषबाजी सह पार पडली व सिंधुदुर्ग राजा प्रतिष्ठान कुडाळ येथील पदाधिकारी कार्यकर्त्यांचा एक वेगळाच उत्साह पाहिला मिळाला.          सकाळी ठीक 11 वाजता जिल्हा परिषदेचे माजी उपाध्यक्ष रणजीत देसाई यांच्या हस्ते राजाची उत्तर पूजा सिंधुदुर्ग राजाच्या सभामंडपात संपन्न झाली पावशी येथील तलाव ह्या ठिकाणी सिंधुदुर्ग राजाचे थाटात विसर्जन झाले. त्यावेळी उपस्थित जिल्हा परिषदेचे माजी उपाध्यक्ष रणजीत देसाई,महिला मोर्चा जिल्हा अध्यक्षा सौ.संध्या तेरसे,जिल्हा परिषदेच्या माजी अध्यक्षा सौ दिपलक्ष्मी पडते,ता अध्यक्ष विनायक राणे,माजी नगराध्यक्ष ओंकार तेली,युवा...

 बांदा:गोव्यातून नगरच्या दिशेने लोखंडाची वाहतूक करणाऱ्या कंटेनर चालकाचा ताबा सुटल्याने समोर उभ्या असलेल्या ट्रकला मागून जोरदार धडक दिल्याने झालेल्या अपघातात कंटेनरच्या दर्शनी भागाचे मोठे नुकसान झाले आहे.सुदैवाने वेळीच याठिकाणी तैनात असलेले पोलीस कर्मचारी बाजूला गेल्याने बचावले. गोव्यातून नगरच्या दिशेने लोखंडाची वाहतूक करणारा ट्रक येत होता.बांदा पोलिसांच्या तपासणी नाक्यावर तैनात असलेल्या पोलिसांकडून इतर वाहनांची तपासणी सुरू होती.याचवेळी भरधाव वेगाने येणाऱ्या कंटेनर चालकाचा ताबा सुटल्याने या कंटेनरने उभ्या असलेल्या ट्रकला मागून धडक दिली.त्यामुळे या दोन्ही वाहनांचे मोठे नुकसान झाले.

 बांदा:गोवा बनावटीच्या दारूची बेकायदा वाहतूक करणाऱ्या आयशर टेम्पोवर बांदा येथे कारवाई केली या कारवाईत विविध ब्रॅन्डच्या 750 मिलीच्या एकूण1200 सिलबंद काचेच्या बाटल्या, 180 मिलीच्या एकूण 21936 सिलबंद काचेच्या बाटल्या व बिअर 500 मिली क्षमतेच्या 1032 सिलबंद टिन तसेच आयशर टेंम्पो वाहनासह एकूण 600 बॉक्स मिळून आले. एकूण मुद्देमाल रू. 55,42,080/- चा जप्त करण्यात आला याप्रकरणी संजय मारूती गवस वय वर्ष 42 रा. मधलीवाडी वाफोली, यास अटक करण्यात आले आहे. सदरची कारवाई निरीक्षक, राज्य उत्पादन शुल्क, विभागीय भरारी पथक, कोल्हापूर विभाग, कोल्हापूर या पथकाने मा. विभागीय उपआयुक्त, राज्य उत्पादन शुल्क, कोल्हापूर श्री. बी. एच.तडवी, यांचे आदेशाने निरीक्षक . एस. जे. डेरे, दुय्यम निरीक्षक . आर. जी. येवलुजे, दुय्यम निरीक्षक . एस. एस. गोंदकर व कॉन्स्टेबल सर्वश्री सुशांत बनसोडे, विलास पवार, अमोल यादव, दिपक कापसे यांनी केली.

सावंतवाडी : शहरातील सामाजिक, शैक्षणिक कार्यात अग्रेसर असणाऱ्या दीपक भाई केसरकर मित्र मंडळ सावंतवाडी यांच्या वतीने देण्यात येणाऱ्या 'गुरु सेवा आदर्श शिक्षक पुरस्कार-२०२२ चा वितरण सोहळा शनिवार दिनांक १० सप्टेंबर २०२२ रोजी दुपारी तीन वाजता सावंतवाडी येथील श्रीधर अपार्टमेंट, बस स्थानकासमोर, आमदार निवास, सावंतवाडी या ठिकाणी आयोजित करण्यात आला आहे. यापूर्वी सदर कार्यक्रम ११ सप्टेंबर रोजी होणार होता. परंतु काही तांत्रिक अडचणीमुळे हा कार्यक्रम शनिवार दिनांक १० रोजी आयोजित केला आहे. दीपक केसरकर मित्रमंडळाच्या वतीने ५ सप्टेंबर शिक्षक दिनाचे औचित्य साधून दरवर्षी हे पुरस्कार जाहीर करण्यात येतात. त्याचा वितरण सोहळा शालेय शिक्षण व मराठी भाषा मंत्री दीपक केसरकर यांच्या प्रमुख उपस्थितीत संपन्न होणार आहे. ज्या शिक्षक - शिक्षिकांनी विविध उपक्रम राबवून विद्यार्थी पटसंख्या वाढविण्याचा प्रयत्न केला, कोविड काळातही उत्कृष्ट शैक्षणिक व सामाजिक कार्य केले आहे, अशा माध्यमिक, प्राथमिक, बालवाडी शिक्षक - शिक्षकांना सन्मानपत्र, स्मृतिचिन्ह, शाल, श्रीफळ देऊन मान्यवरांच्या उपस्थितीत गौरविण्यात येणार आहे.  तरी प...

 बांदा: शहर व परिसराला आज सायंकाळी उशिरा ढगफुटीसदृश्य मुसळधार पावसाने झोडपून काढले. सलग २ तास पाऊस कोसळल्याने शहरातील सर्वच रस्ते जलमय झाले होते. शहरात गटाराचे पाणी तुंबल्याने गडगेवाडी येथे बांदा दोडामार्ग रस्ता पाण्याखाली गेला होता. येथील वाहतूक तब्बल अर्धा तास बंद होती. आज सायंकाळी पावसाने कहर केला. सलगपणे मुसळधार पाऊस कोसळल्याने येथील जनजीवन विस्कळीत झाले. शहरातील सर्वच रस्ते जलमय झाल्याने वाहतूक विस्कळीत झाली. वीज पुरवठा खंडित झाला होता.

 बांदा:सार्वजनिक गणेशोत्सव मंडळ विठ्ठल मंदिर बांदा यांच्या वतीने शुक्रवार दिनांक ९ रोजी सायंकाळी ५ वाजता ‘स्वरसंध्या’ कार्यक्रमाचे आयोजन करण्यात आले आहे. या कार्यक्रमात अक्षय नाईक, विठ्ठल केळुस्कर, नेहा आजगावकर हे गायन करणार आहेत. तबला साथ आदित्य वालावलकर, हार्मोनियम निलेश मेस्त्री, ऑक्टॉपड अश्विन जाधव, पखवाज प्रदीप वाळके, कीबोर्ड महेंद्र मांजरेकर हे संगीत साथ करणार आहेत. कार्यक्रमाचे निवेदन प्रफुल्ल वालावलकर करणार आहेत. येथील विठ्ठल रखुमाई मंदिरात होणाऱ्या या कार्यक्रमाचा लाभ रसिकानी घ्यावा असे आवाहन मंडळाचे अध्यक्ष मंदार कल्याणकर यांनी केले आहे.

 दोडामार्ग:दोडामार्ग तालुक्यातील पाळये गावामध्ये काल सायंकाळी पकडलेला दुर्मिळ किंगकोब्रा प्रजातीचा साप अवैधरित्या बाळगून त्याचे चित्रीकरण करणे, प्रदर्शन करणे यासाठी दोडामार्ग येथे राहणारा काथाकथीत सर्पमित्र राहुल विजय निरलगी याला वनविभागाने ताब्यात घेतले. यामुळें तालुक्यातील सर्पमित्रात खळबळ उडाली आहे सदरच्या घटनेमध्ये ताब्यात घेण्यात आलेला आरोपी राहुल विजय निरलगी रा.दोडामार्ग हा सर्प इंडिया या NGO च्या अंतर्गत काम करत असून गेली दोन-तीन दिवस तो पाळीये येथे दिसून येणाऱ्या किंगकोब्रा सापाच्या पाळतीवर होता. सदर किंगकोब्रा सापाला पकडण्यापूर्वी वनविभागाला पूर्वकल्पना देणे गरजेचे आहे हे माहिती असूनदेखील त्याने दोडामार्ग येथील स्थानिक वन अधिकारी-कर्मचारी यांना कोणतीही पूर्वकल्पना न देता तो साप अवैद्यरित्या पकडून ताब्यात ठेवला. दोडामार्ग वनपरिक्षेत्र कार्यलयाला सायंकाळी याची गुप्त माहिती मिळताच सदर तरुणाची व त्याच्या ताब्यात असलेल्या किंगकोब्रा सापाचा शोध सुरू झाला. आरोपी राहुल नीरलगी याचेशी वन अधिकारी व कर्मचारी यांनी फोन वर वारंवार संपर्क साधण्याचा प्रयत्न सुरू ठेवला परंतु रिंग होऊन देखी...

बांदा: समाजात निराधार मुले , अपंग , वृद्ध यांचे माणुसकीच्या दृष्टिकोनातून काही लोक आधार बनत असतात ; मात्र बांदा पोलिसात कार्यरत असलेल्या पोलिस कर्मचारी ज्योती हरमलकर या बांदा शहर व परिसरातील भटक्या श्वानांसाठी ' अन्नपूर्णा ' बनल्या आहेत . दिवसरात्र व्यस्त वेळापत्रकातून वेळ काढत दररोज रात्री सौ . हरमलकर या रस्त्यातील भटक्या कुत्र्यांना पोटभर खायला घालतात . एवढेच नाही तर रस्त्यावर बेवारस भटकणाऱ्या शेकडोकुत्र्यांच्या पिल्लांचे संगोपन देखील त्या करत आहेत . पोलिसांविषयी जनतेच्या मनात अनेक गैरसमज असतात ; परंतु पोलिस कर्मचारीही माणूसच असतो . त्यालाही संवेदनशील मन असते . या घटनेतून सौ . हरमलकर यांच्या खाकी वर्दीमागे दडलेल्या माणुसकीचे सर्व स्तरांतून कौतुक होत आहे .  चार वर्षांपूर्वी ज्योती हरमलकर या बांदा पोलिस ठाण्यात रुजू झाल्या . त्यापूर्वी त्या दोडामार्ग येथे कार्यरत होत्या . त्यांना मुक्या प्राण्यांविषयी विशेष प्रेम आहे . त्यांना लहानपणापासूनच कुत्र्यांचा लळालागला . लग्न झाल्यानंतरही त्यांनी आपली श्वानसेवा सुरूच ठेवलो . बांदा शहरात आल्यानंतर त्यांना मोठ्या प्रमाणात भटकी कुत्री निद...

 कुडाळ:झाराप रेल्वे स्टेशन व झाराप येथील रेक पॉईंट यांना जोडणारा एक किमी रस्त्याची अक्षरशः दुर्दशाच झाली आहे. त्यामुळे वैतागलेल्या स्थानिक वाहन धारक व ग्रामस्थांनी सर्वच लोकप्रतिनिधींचे अतिशय गोड भाषेत  व निशेधात्मक विशेष आभार मानले आहेत. गेले तीन वर्षे या रस्त्याच्या देखभा ल दुरुस्तीकडे पुर्णतः दुर्लक्ष करण्यात आले आहे. झाराप तिठा येथे तर तिन ठिकाणी मोठ मोठी डबकीच तयार झाली आहेत . अशा या भयावह मार्गावरूनच अनेकांना प्रवास करावा लागत. रेल्वे ब्रिज व झाराप तिठा अशा दोन ठिकाणी अशी अवस्था झाली आहे. झाराप रेल्वे स्टेशन ब्रिजला जोडणारा सुमारे दोनशे मीटर रस्ता रेल्वेच्या अखत्यारित येत आहे. त्यामुळे मैलकुली कामगारही याच्या डागडुजीकडे कानाडोळा करतात व रेल्वे स्टेशन येथील स्टेशन मास्तर यांचे याबाबत लक्ष वेधले असता येथील स्टेशन मास्तर कणकवली व रत्नागिरी येथील अधिकार्यांचे बोट दाखवून गप्प बसत आहेत. त्यामुळे वैतागलेल्या ग्रामस्थांनी याठिकाणी गोड भाषेतील निषेधवजा फलक लावले आहेत. यानंतरही याकडे तात्काळ लक्ष न दिल्यास स्थानिक रस्त्यावर उतरून तीव्र आंदोलन छेडण्याच्या तयारित आहेत.

 बांदा:रांगोळीतून वास्तवतेचा आभास आणि सामाजिक संदेश देण्याचा उपक्रम बांदा येथील सार्वजनिक गणेशोत्सव मंडळ गांधीचौक या मंडळाने राबवला.या उपक्रमात जिल्ह्यातील प्रसिद्ध रांगोळी कलाकारांनी घातलेल्या रांगोळ्या आकर्षणाचा केंद्रबिंदू ठरत आहेत. या रांगोळी प्रदर्शनात गणेशाच्या मूर्तींची प्रतिमा साकारण्यात आली आहे.तर अनेक पुरस्कार प्राप्त समीर चांदरकर यांनी चाकरमान्यांची वाट पाहणारी माता 'झाली तयारी बाप्पाच्या आगमनाची, आतुरलेले डोळे पाहती वाट चाकरमान्यांची' रांगोळीतून साकारताना वास्तवता विशद केली आहे. तर ऑन ड्युटी असणाऱ्या पोलिसांच्या मनातील भाव 'बाप्पा आला दारी,तरी आम्ही नाही आमच्या घरी' या रांगोळीतून केदार टेमकर याने साकारत पोलीस कर्मचाऱ्यांची मनातील वेदना मांडली आहे. सिद्धेश धुरी याने 'चौसष्ट कलांचा,चौदा विद्यांचा अधिपती'  हा आविष्कार साकारत लक्ष वेधून घेतलं आहे.लहान मुलगी आपल्या लाडक्या बाप्पाकडे मोदकाची मागणी करणारी रांगोळी कु.श्रेया समीर चांदरकर हिने 'दे ना बाप्पा, दे ना मोदक मला!' यातून साकारली आहे.पर्यावरणाचा संदेश देत मातीचा बाप्पा पूजण्याचा पर्यावरण संदे...

 उर्दू माध्यम रिक्त पदे भरताना बिंदू नामवलीत प्रवर्गानुसार उमेदवार उपलब्ध होत नसल्याने जातीची अट शिथिल करून रिक्त जागा खुल्या प्रवर्गातून भराव्यात तसेच यामध्ये स्थानिकांना प्राधान्य मिळावे या मागणीचे निवेदन महाराष्ट्र राज्य उर्दू शिक्षक संघटनेच्या सिंधुदुर्ग शाखेच्या वतीने शालेय शिक्षणमंत्री दीपक केसरकर यांना देण्यात आले. सावंतवाडी येथील ना.केसरकर यांच्या संपर्क कार्यालयात या संघटनेच्या पदाधिकाऱ्यांनी आज ना.दीपक केसरकर यांची भेट घेण्यात आली.यावेळी संघटनेच्या वतीने ना.केसरकर यांचा सत्कार करत अभिनंदन करण्यात आले. यावेळी या संघटनेच्या पदाधिकाऱ्यांनी कोकण विभागातील सिंधुदुर्ग, रत्नागिरी व रायगड या जिल्ह्यात मोठ्या प्रमाणात उर्दू माध्यम पदे रिक्त आहेत.त्यामुळे आंतरजिल्हा बदली होऊनसुद्धा वर्षानुवर्षे शिक्षकांना आपल्या स्व-जिल्ह्यात जाता येत नाही.कारण १० टक्के रिक्त पदांची अट आहे.याकडे शिक्षण मंत्र्यांचे लक्ष वेधण्यात आले.त्यामुळे उर्दू माध्यम पदे भरताना आरक्षित पदावर खुल्या प्रवर्गातून उमेदवार भरती करून स्थानिक उमेदवारांना प्राधान्य द्यावे अशी मागणी केली. यावेळी महाराष्ट्र राज्य उर्दू शि...

सावंतवाडी:राज्यात सत्ता स्थापन झाल्यानंतर कामात व्यस्त असतानाही सावंतवाडीचे आमदार,शिंदे गटाचे प्रवक्ते तथा शालेय शिक्षणमंत्री ना.दीपक केसरकर यांनी या मतदार संघात असलेले आपलं प्रेम गणेश चतुर्थीच्या अनुषंगाने पुन्हा दाखवून दिले.आज ना.दीपक केसरकर यांनी सार्वजनिक गणपती सोबतच शहरातील विविध भागांतील घरगुती बाप्पांचे आपल्या सहकाऱ्यांसह दर्शन घेत स्थानिकांशी संवाद साधला.यावेळी माजी नगरसेवक बाबू कुडतरकर, माजी उपनगराध्यक्ष राजन पोकळे,गणेशप्रसाद देसाई आदी उपस्थित होते.

 बांदा:गोव्यातून हलकर्णी येथे पुठ्ठे वाहतूक करणारा टेंपो पलटी होऊन रस्त्याबाहेर गेल्याने अपघात होण्याची घटना मध्यरात्री १.३० वाजण्याच्या सुमारास घडली.सुदैवाने या अपघातात चालकाला कोणतीही दुखापत झाली नाही.मात्र हा अपघात होत असताना टेंपोची धडक बसल्याने वीज वितरण कंपनीचा खांब मोडल्याने या भागातील वीजपुरवठा खंडित झाला होता.यात वीज वितरण कंपनीचे सुमारे १२ हजार रुपयांचे नुकसान झाले आहे.

 बांदा:गणेश चतुर्थीच्या मुहूर्तावर पूजन झालेल्या लाडक्या बाप्पाला दीड दिवसांनी बांद्यात भक्तीपूर्ण वातावरणात निरोप देण्यात आला.येथील तेरेखोल नदीपात्रात पारंपारिक पद्धतीने होडीतून गणपती बाप्पांच्या मूर्तींचे विसर्जन करण्यात आले. 'गणपती बाप्पा मोरया...पुढच्या वर्षी लवकर या...'च्या जयघोषात बाप्पांचा दीड दिवस पाहुणचार केल्यानंतर गणेश भक्तांनी वाहनातून गणेश मूर्ती विसर्जनासाठी आणल्या होत्या.आपल्या लाडक्या बाप्पाला निरोप देण्यासाठी आबालवृद्ध मोठ्या संख्येने उपस्थित होते.यंदा पावसाने पूर्णपणे उघडीप दिल्याने लहान मुले व महिलाही मोठ्या संख्येने विसर्जन स्थळी आल्या होत्या.

  सावंतवाडी : नगर परिषदेच्या सेप्टिक टॅंक  मैला उपसा वाहक व्हॅनचे  उद्घाटन राज्याचे शालेय शिक्षण व मराठी भाषा मंत्री दीपक केसरकर यांच्या उपस्थितीत जिल्हा पोलीस अधीक्षक राजेंद्र दाभाडे यांच्या हस्ते श्रीफळ वाढवून झाले. सावंतवाडी नगर परिषदेला स्वच्छ भारत अभियानांतर्गत स्वच्छ सर्वेक्षण नामांकन प्राप्त झाले होते. यामध्ये अडीच कोटी रुपयांचे बक्षीस केंद्र सरकारकडून प्राप्त झाले होते.या बक्षिसाच्या रकमेतील 35 लाख 18 हजार रुपयांची ही महिला वाहक व्हॅन आज सावंतवाडी नगर परिषदेच्या ताब्यात दाखल झाली आहे. या नगर परिषदेच्या मैला वाहक व्हँन चे उद्घाटन शालेय शिक्षण मंत्री दीपक केसरकर यांच्या उपस्थितीमध्ये फित कापून पार पडले. यावेळी सावंतवाडी नगर परिषदेचे माजी नगरसेवक खेमराज उर्फ बाबू कुडतरकर,शुभांगी सुकी सुरेंद्र बांदेकर, प्रतीक बांदेकर तसेच आरोग्य विभागाच्या रसिका नाडकर्णी, पांडुरंग नाटेकर,दीपक म्हापसेकर, प्रिया तेरसे, शिवप्रसाद कुडपकर,वाहनाचे चालक संतोष उर्फ बाळा सावंत, आकाश सावंत, श्री सय्यद आदी उपस्थित होते. यावेळी नामदार दीपक केसरकर यांच्या हस्ते चालक संतोष सावंत यांच्याकडे या व्हॅन...

 वेंगुर्ला : नवाबाग फिशिंग व्हिलेजसाठी प्रस्तावित असलेल्या १९ गुंठे शासकीय जागेची राज्याचे शिक्षणमंत्री तथा सिधुरत्न योजनेचे अध्यक्ष दीपक केसरकर यांनी शुक्रवारी फिशरीजच्या अधिका-यांसोबत पहाणी केली. नवाबाग फिशिंग व्हिलेज राज्यातील एकमेव आदर्श फिशिंग व्हिलेज ठरेल, असा विश्वास केसरकर यांनी व्यक्त केला. नवाबाग येथील ब्रेक वॉटरचे काम एक महिन्यात सुरु होईल. मच्छिमारांना मासे वाळविण्यासाठी चांदा ते बांदा योजनेमधून सोलर देण्यात येतील अशीही माहिती श्री.केसरकर यांनी दिली. तर नवाबाग बंधा-यावर बांधण्यात आलेला पादचारी मार्ग पुढे झुलत्या पुलापर्यंत नेण्यात यावा, अशा सूचनाही त्यांनी संबंधित अधिका-यांना दिल्या.यावेळी सहाय्यक मत्स्य आयुक्त रविद्र मालवणकर, परवाना अधिकारी चिन्मय जोशी, तहसिलदार प्रविण लोकरे, पोलिस निरिक्षक अतुल जाधव, नायब तहसिलदार संदिप पाणमंद, उभादांडा सरपंच देवेंद्र डिचोलकर, उपसरपंच गणपत केळुसकर, मच्छिमार सोसायटीचे चेअरमन राजेंद्र कुबल, रामचंद्र आरावंदेकर, प्रकाश मोटे, दशरथ तांडेल, संजू कुबल, हनुमंत कासकर, देविदास मोठे, बाळू कुबल, नाना सावंत, दादा केळुसकर, सुधाकर वेंगुर्लेकर, अशोक ख...

 सावंतवाडी: गव्याने कारला धडक दिल्याने माजगाव येथे झालेल्या अपघातात तळवडे येथील आई व मुलगा जखमी झाले, तर कारचे मोठ्या प्रमाणात नुकसान झाले. हा अपघात आज सात वाजण्याच्या सुमारास माजगाव येथील भाईसाहेब सावंत समाधी समोर सावंतवाडी-शिरोडा राज्यमार्गावर घडला. जखमींना अधिक उपचारासाठी येथील कुटीर रुग्णालयात दाखल करण्यात आले आहे. अमिता अशोक कामत (वय ६५) असे जखमीचे नाव आहे. तर विश्वनाथ कामत याला किरकोळ दुखापत झाली आहे. दरम्यान गव्याकडून अशा प्रकारे अचानक येण्याने अपघात होण्याचे प्रमाण दिवसेंदिवस वाढत आहे. ओटवणे येथे आठवड्याभरापूर्वी असाच अपघात घडला होता. त्यामुळे वनविभागाने योग्य ते नियोजन करावे व थेट रस्त्यावर येणाऱ्या गव्यांना जंगलात रोखण्यासाठी प्रयत्न करावेत, अशी मागणी होत आहे.

 बांदा : सिंधुदुर्ग जिल्ह्याची ओळख देणारे बांदा येथे प्रवेशद्वार उभे करावे, त्याठिकाणी आरटीओ पोलिस आणि एक्साईज यांची एकाच ठिकाणी तपासणी करण्यात यावी, त्यानंतर जिल्ह्यात अन्य कोठेही गाड्या तपासल्या जावू नयेत, त्यासाठी आवश्यक ती यंत्रणा राबवा, अशा सुचना शालेय शिक्षणमंत्री दीपक केसरकर यांनी पोलिस अधिकार्‍यांना दिल्या. दरम्यान बांदा येथे उभारण्यात येणार्‍या प्रवेशद्वारावर पर्यटकांना थांबवण्यासाठी चांगल्या सुविधा, रेस्टॉरंट आणि बगीच्या उभारण्यात यावा, आणि त्याचे काम लवकरात लवकर सुरू करण्यात यावे, असेही त्यांनी सांगितले. श्री. केसरकर यांनी काल (शुक्रवारी) सायंकाळी उशिरा बांदा येथील नियोजित प्रवेशद्वाराची पाहणी केली. यावेळी त्यांनी संबधित अधिकार्‍यांना त्यांनी या सुचना दिल्या. मंत्री श्री. केसरकर यांनी बांदा येथील प्रादेशिक परिवहन विभागाच्या सीमा तपासणी नाक्यावरील सभागृहात आढावा बैठक घेतली. या बैठकीला जिल्हाधिकारी के. मंजुलक्ष्मी, पोलीस अधीक्षक राजेंद्र दाभाडे, अतिरिक्त मुख्य कार्यकारी अधिकारी संजय कापडणीस, एमटीडीसीचे कार्यकारी अभियंता विनय वावधने, प्रांताधिकारी प्रशांत पानवेकर, सहायक वनस...

 आंबोली:केरळच्या धर्तीवर उभारण्यात आलेले आंबोली येथील बटरफ्लाय पार्क पावसाळ्यानंतर सुुरु करण्यात येणार आहे. तसेच त्याच परिसरात प्रसिध्द शास्त्रज्ञ मार्सेलिन अल्मेडा यांनी संग्रहित केलेले पानाचे विविध प्रकाराचा अभ्यास घडविणारे हार्बेरियम सेंटर उभारण्यात येणार आहे, अशी घोषणा शालेय शिक्षण तथा पर्यावरण मंत्री दीपक केसरकर यांनी आज येथे केली. दरम्यान पर्यटनाच्या दृष्टीने महात्वाचे असलेल्या आंबोली येथील अन्य पर्यटन प्रकल्प लवकरच सुरू केले जातील, त्यासाठी आवश्यक असलेला निधी आपण तात्काळ उपलब्ध करून देण्यासाठी प्रयत्न करू, असेही श्री.केसरकर म्हणाले. आंबोली येथील पर्यटन प्रकल्पांना श्री. केसरकर यांनी आज भेट दिली. यावेळी जिल्हाधिकारी के. मंजूलक्ष्मी, पोलिस अधिक्षक राजेंद्र दाभाडे, प्रांताधिकारी प्रशांत पानवेकर, तहसिलदार श्रीधर पाटील, सरपंचा सौ. सावित्री पालयेकर, उपसरपंच दत्तू नार्वेकर आदी उपस्थित होते. यावेळी श्री. केसरकर पुढे म्हणाले, या ठिकाणी उभारण्यात आलेले बटरफ्लाय पार्क कार्यान्वित करण्यासाठी प्रयत्न केले जाणार आहे. त्यात फुलपाखरे यावीत यासाठी पाण्याचे छोटे फवारे लावण्यात येणार आहे. अशा ...

 सावंतवाडी:मनसेचे जिल्हाध्यक्ष धीरज परब आणि त्यांच्या सहकाऱ्यांनी आज शिवसेना मतदार विधानसभा मतदार संघप्रमुख विक्रांत सावंत यांच्या निवासस्थानी जात श्री गणरायाचे दर्शन घेतले.यावेळी काँग्रेसचे ज्येष्ठ नेते माजी जिल्हाध्यक्ष विकास सावंत उपस्थित होते.यावेळी विक्रांत सावंत,विकास सावंत आणि धीरज परब यांच्यात विविध विषयांवर चर्चा झाली.विकास सावंत यांनी शैक्षणिक क्षेत्रात विद्यार्थी घडविण्यासाठी सर्वच पक्षांनी पुढाकार घेणे आवश्यक असल्याचे सांगत आपल्या जिल्ह्यातील विद्यार्थी आयपीएस, आयएएस बनेल तेव्हाच खऱ्या अर्थाने जिल्हा विकासात पुढे जाईल असा विश्वास व्यक्त केला.  यावेळी महाराष्ट्र नवनिर्माण सेनेचे सिंधुदुर्ग जिल्हाध्यक्ष श्री धीरज परब, जिल्हा सचिव बाळा पावसकर, उपजिल्हाध्यक्ष दत्ताराम गावकर, तालुकाअध्यक्ष गुरुदास गवंडे, मळगाव शाखाध्यक्ष राकेश परब, नेमळे शाखाध्यक्ष बाबुराव राऊळ, सावंतवाडी कॉलेज युनिट अध्यक्ष साहिल तळकटकर, जनार्दन घाडी आणि पदाधिकारी

  आंबोली :कॅबिनेटमंत्री दीपक केसरकर यांच्याकडे आंबोली सरपंच सौ.सावित्री पालेकर यांनी आंबोलीतील विविध विकास कामे त्वरीत होणेसाठी मागणी केली. निवेदनात म्हटले की, मेनन च्या जमिनीतील 10 एकर जमिन क्रीडांगणासाठी मिळावी व तेथेच व्यायामशाळा सुरु करावी,)जकातवाडी येथिल तलाव दुरूस्त व सुशोभिकरण करावा )वन परिक्षेत्र आंबोली मार्फत घाटातील लहान मोठे सर्व धबधबे सुशोभिकरण करणे व त्या ठिकाणी कर आकारून त्यातुन घाट परीसर स्वच्छतेसाठी कचरा गाडी व कर्मचारी खर्च व देखभालीसाठी खर्च करणे, नांगरतास धबधबा दुरूस्त व सुशोभिकरण करणे, हिरण्यकेशी नदी पात्रातील गाळ काढणे, हिरण्यकेशीला जाणारा रस्ता रूंदी करण करणे व मंदीर परीसर सुशोभिकरण करणे व अत्यावश्यक सोई जसे बाथरूम चेंजिंग रूम, दुकान गाळे ,भक्त निवास उपलब्ध करावे, पर्यटन वाडी साठी वॅक्स मुझीअम तयार करावा व आंबोलीतील जैव विविधता मार्गदर्शक सेंटर तयार करावा, नांगरतास येथिल बीएसएनएल टाॅवर सुरू करण्यासाठी नीधी द्यावा, आंबोली पर्यटन स्थळ असल्यामुळे स्ट्रीटलाईटची सुविधा असणे आवश्यक आहे.मात्र त्याचे बिल पहीले जिल्हा परीषद भरत होती ते आता ग्रामपंचायतला भरावे लागते त्य...

 आपल्या लाडक्या बाप्पाचं दर्शन असंख्य प्रेक्षकांपर्यंत पोहोचवण्याची संधी फक्त ३०० रुपयांत... तुमच्या लाडक्या बाप्पा सोबत तुमचं कुटुंब आणि घरातील आरास आता पोहोचेल सर्वांपर्यंत... तुम्ही व्हिडीओ काढून पाठवा अथवा आमच्याशी संपर्क साधा.... गोविंद शिरसाट-+91 90756 59193 जय भोसले-9370921793 चला,मंगलमूर्तीचे दर्शन घराघरात माझा सिंधुदुर्ग ब्रेकिंगच्या साथीने पाहूया...

  सावंतवाडी :मुंबई गोवा महामार्गावर झाराप पत्रादेवी बायपासलगत नेमळे कांबळेवीर येथे ब्रिजलगत टाटा टियागो कार पलटी होऊन अपघात झाला. ही कार पलटी होऊन शेतात पडली आहे. मात्र सुदैवाने या अपघातात चालकाला कोणतीही दुखापत झाली नाही. सदरचा चालक दोडामार्ग कुडासे येथील असल्याचे समजते.हा अपघात घडला त्यावेळी त्या ठिकाणी उपस्थित लोकांचा काळजाचा ठोका चुकला.मात्र काही क्षणात चालक सुखरूप बाहेर आल्याने सर्वांनी सुटकेचा निःश्वास सोडला.