Maza Sindhudurg

कोमसाप शाखा मालवण व आर. पी. बागवे. हायस्कूल सांस्कृतिक समिती यांचे संयुक्त आयोजन चिंदर/ प्रतिनिधी --         माणुसकीची व्याख्या बदलली सारे जग बदलत आहे गर्दीत माणसांच्या मी माणूस शोधत आहे.... या आणि अशा अनेक कवितानी रंगत गेला. मराठी भाषा संवर्धन पंधरवड्यानिमित्त कोकण मराठी साहित्य परिषद शाखा मालवण,आर. पी. बागवे हायस्कूल सांस्कृतिक समिती मसुरे एज्युकेशन सोसायटी लोकल कमिटी यांच्या संयुक्त विद्यमाने अक्षरजागर मसुरे गावचा हा अभिवाचन, काव्यवाचन, काव्यगायनाचा कार्यक्रम  आर. पी .बागवे हायस्कूल मसुरे मध्ये..दि.२८ जानेवारी शनिवारी सकाळी घेण्यात आला. प्रथमच एवढ्या मोठ्या आयोजित केलेल्या कार्यक्रमात शालेय विद्यार्थ्यांनीही आपल्या अनेक विषयांवरच्या अप्रतिम कविता सादर केल्या. कोमसाप शाखा मालवणतर्फे २० मुलांना मोफत बालसदस्यत्व देण्यात आले. कार्यक्रम मसुरे विभागात होत असला तरी  आचरा, मालवण, कणकवली तील लहान व मोठा गट व मान्यवर म्हणून एकूण ५० कवींनी अप्रतिम कविता सादर करून कार्यक्रमात रंगत आणली. या कार्यक्रमात सौ. वर्षाराणी अभ्यंकर यांनी मसुरेचे वर्णन असलेल्या प्रसिद्ध लेखक ...

 महाराष्ट्र राज्यातील शिक्षकेतर कर्मचाऱ्यांचा विविध न्याय हक्काच्या मागण्यांसंदर्भात १३ फेब्रुवारी रोजी पुणे येथील शिक्षण आयुक्त कार्यालयावर महा आक्रोश  मोर्चाचे आयोजन करण्यात आले असून जिल्ह्यातील शिक्षकेतर बांधवांनी मोठ्या संख्येने सहभागी व्हावे असे आवाहन सिंधुदुर्ग जिल्हा शिक्षकेतर कर्मचारी संघटनेचे अध्यक्ष अनिल राणे सचिव गजानन नानचे यांनी प्रसिद्धीस दिलेल्या पत्रकाद्वारे  केले आहे. महाराष्ट्र राज्यातील खाजगी अनुदानित माध्यमिक शाळातील शिक्षकेतर कर्मचाऱ्यांच्या  मागण्या गेल्या अनेक वर्षापासून प्रलंबित आहेत. शासन वेळोवेळी वेगवेगळी उत्तरे देऊन संघटना पदाधिकारी व कर्मचाऱ्यांची दिशाभूल करीत आहे. अर्थ खात्याच्या नावाखाली पदभरती व सुधारित आश्वासित प्रगती योजनेच्या दहा-वीस, तीस प्रस्तावात वारंवार त्रुटी लावल्या जात आहेत. त्यामुळे नाईलाजास्तव  महामंडळाच्या वतीने राज्यातील सर्व शिक्षकेतर कर्मचाऱ्यांचा सोमवार दिनांक १३ फेब्रुवारी २०२३ रोजी सकाळी ११ वाजता पुणे येथे शनिवार वाडा ते मान. शिक्षण आयुक्त कार्यालयावर प्रलंबित प्रश्नांसाठी आक्रोश महामोर्चा काढण्यात येणार आहे. या ...

 कणकवली, ता.३१ : येथील भालचंद्र महाराज संस्थान शैक्षणिक मंडळामार्फत घेण्यात आलेल्या जिल्हास्तरीय शिष्यवृत्ती सराव परीक्षेचा निकाल व गुणवत्ता यादी आज जाहीर करण्यात आली. या सराव परीक्षेत पूर्वमाध्यमिक (आठवी) मध्ये विद्यामंदिर कणकवलीची कोमल रामचंद्र भानुसे २६० गुण मिळवून प्रथम, राणी पार्वतीदेवी हायस्कूल सावंतवाडीचा ओजस गोकुळदास मेस्त्री २५८ गुण मिळवून द्वितीय व कुडाळ हायस्कूलचा स्मितेश कडोलकर २५४ गुण घेवून तृतीय क्रमांकाने उत्तीर्ण झाला.पूर्व उच्च प्राथमिक (पाचवी) मध्ये टोपीवाला हायस्कूल मालवणचा आदित्य देवीदास प्रभूगावकर २८४ गुण मिळवून प्रथम, जि.प.शाळा वजराट नं.1 चा कर्तव्य तेजस बांदिवडेकर २८० गुण मिळवून द्वितीय तर खारेपाटण हायस्कूलचा रूंद्र राजू गर्जे याने २७२ गुण मिळवून तृतीय क्रमांक पटकाविला. शिष्यवृत्ती सराव परीक्षेतील गुणवत्ता यादीतील प्रत्येकी २० गुणवत्ता प्राप्त विद्यार्थ्यांचा गुणगौरव समारंभ परमहंस भालचंद्र महाराज संस्थान येथे लवकरच होणार आहे. शिष्यवृत्ती सराव परीक्षा कणकवली कॉलेज व कळसुलकर हायस्कूल सावंतवाडी येथे घेण्यात आली. या परीक्षेचा पूर्ण निकाल परमहंस भालचंद्र महाराज सं...

 दोडामार्ग : करियर करण्यासाठी संगीत ही फार मोठी संधी आहे. आपण त्याचा फायदा करून घ्यायला पाहिजे. आपल्याला हवे ते सहकार्य करू असे प्रतिपादन मराठी चित्रपट सृष्टीतील प्रसिद्ध दिग्दर्शक स्वप्नील बांदोडकर यांच्या संक्रम म्युझिक अकादमी संचालक गणेशप्रसाद पोकळे यांनी प्रा. एम. डी देसाई कला व वाणिज्य कनिष्ठ महाविद्यालय व नूतन विद्यालय कळणे येथील कार्यक्रमात केले. नूतन विद्यालय कळणेतील “आयडीयल स्कूल ऑफ म्युझिक” या संगीत विद्यालयाला म्युझिक अकादमीचे संचालक गणेशप्रसाद पोकळे यांनी तबला संच व हार्मोनियम संच भेट दिला. यावेळी कार्यक्रमाला अध्यक्ष स्थानी कळणे पंचक्रोशी शिक्षण प्रसारक मंडळ कळणेचे संचालक निरज मोहन देसाई तर प्रमुख अतिथी संक्रम म्युझिक अकादमीचे संचालक गणेशप्रसाद पोकळे, संक्रम संस्था सिंधुदुर्ग जिल्ह्याचे प्रमुख दत्तप्रसाद साठेलकर, विद्यालयाचे मुख्याध्यापक महेंद्र देसाई, संगीत शिक्षक प्रसाद गोसावी, प्रशांत राऊळ, उमेश देसाई, अच्युत गावडे, सतीश धर्णे उपस्थित होते. पंचक्रोशीतील विद्यार्थ्यांची गरज लक्षात घेवून कळणे पंचक्रोशी शिक्षक प्रसारक मंडळाचे अध्यक्ष मा. प्रा. मोहन देसाई यांनी प्रसिद्ध...

 आंबोली : विट व्यावसायिकाला दोन ते तीन लाख देणे लागणारा इसम टाळा टाळ करीत असल्याने त्याला आपल्या मीत्राच्या साह्याने मारहाण केली, मारहाण करीत असताना तो ॲटक येऊन मृत्यू पावला आता करणार काय म्हणून त्याला आंबोलीच्या दरीत मीत्राच्या साह्याने खाली फेकत असताना तो व्यापारीही पाय घसरून दरीत कोसळला व मरण पावला,मीत्राला ताब्यात घेतल्यावर ही खरी घटना उघड झाली. दरीत कोसळलेला युवकाच्या घटनेमागील एक धक्कादायक वास्तव समोर आलंय. एखाद्या सिनेमातील सीन सारखी घटना समोर आली आहे.कराड येथील विट व्यावसायिकांमधल्या वादाची पार्श्वभूमी या घटनेला असून या वादातून दोन जीव गेल्याचा हा प्रकार आंबोलीत घडला आहे. कराड येथील विट व्यावसायिकान एका व्यक्तीला दोन ते तीन लाख रुपये दिले होते. हे पैसे परत करत नसल्यानं त्या व्यक्तीला गाडीत घालून संबंधितांनी मारहाण केली. यावेळी त्या व्यक्तीला हार्ट अटॅक येऊन त्याचा मुर्त्या झाल्याच मारणाऱ्या व्यक्ती पैकी एकाच म्हणन आहे. दरम्यान, देणेकरी मेल्यानं घाबरून आम्ही आंबोली गाठली. यावेळी घाटात त्या देणेकरी व्यक्तीचा मृतदेह टाकत असताना तो व्यक्ती ज्याचे पैसे देण लागत होत त्या व्यक्तीच...

 महाराष्ट्र राज्य शिक्षक परिषद तालुका वेंगुर्लाच्या वतीने पूर्व माध्यमिक (इयत्ता ५ वी) व माध्यमिक ( 8 वी ) शिष्यवृत्ती सराव परीक्षा रविवार दिनांक २९/०१/२०२३ रोजी वेंगुर्ला हायस्कूल वेंगुर्ला येथे पार पडली.ही परीक्षा सर्व विद्यार्थ्यांसाठी पूर्णतः मोफत घेण्यात आली होती.प्राथमिक व माध्यमिक शाळेतील विद्यार्थ्यांनी उत्स्फूर्त सहभाग घेतला.या परीक्षेसाठी परीक्षा प्रमुख म्हणून शिक्षक परिषद जिल्हा महिला प्रमुख श्रीम.सुरेखा वि. शिंदे मॅडम (वेंगुर्ला हायस्कूल) यांनी काम पाहिले.यावेळी तालुक्यातील पूर्व माध्यमिक 88 तर माध्यमिक 65 विद्यार्थ्यांनी सहभाग घेतला.स्पर्धा यशस्वी करण्यासाठी परिषदेचे तालुका अध्यक्ष श्री. किशोर शां. सोनसुरकर(दाभोली हायस्कूल), उपाध्यक्ष श्री. सुनिल गंगाराम जाधव(आडेली हायस्कूल), सचिव श्री.अशोक काळे(तेंडोली हायस्कूल), सदस्य श्री. सुनिल जाधव(मठ हायस्कूल), श्री. रमेश वाघमारे(आरोंदा हायस्कूल), सौ. साक्षी वराडकर(आसोली हायस्कूल), सौ. स्वप्नाली मुननकर(पाटकर हायस्कूल), वेंगुर्ला हायस्कूलचे मुख्याध्यापक श्री.पी. डि.कांबळे यांनी उत्तम सहकार्य केले.आणि स्पर्धा यशस्वीपणे पार पडली. *...

 बांदा रोटरी क्लबच्या अंतर्गत रोटरॅक्ट क्लब ऑफ रायझिंग युथ पदाधिकाऱ्यांचा आज येथील आनंदी मंगल कार्यालयात पदग्रहण सोहळा संपन्न झाला. यावेळी सिंधुदुर्ग जिल्ह्यातील रोटरॅक्टचे पदाधिकारी उपस्थित होते. रोटरॅक्ट रायझिंग युथच्या अध्यक्षपदी अक्षय मयेकर, सचिवपदी अवधूत चिंदरकर, उपाध्यक्षपदी संकेत वेंगुर्लेकर, सहसचिवपदी मिताली सावंत यांची निवड करण्यात आली.     खजिनदारपदी गार्गी विरनोडकर तर सदस्यपदी दत्तराज चिंदरकर, साईस्वरूप देसाई, मोईन खान, शुभम केसरकर, जयप्रकाश सावंत, अंजली सावंत, शंकर सावंत, रोहन कुबडे, शंकर कोकाटे, अक्षय कोकाटे, निहाल गवंडे, ओंकार पावसकर, मानसी कनयाळकर, कौस्तुभ दळवी, वैभवी बांदेकर, मनीष मयेकर, विराज धुपकर, सिद्धांत नाटेकर, अमित धोंगडे यांची एकमताने निवड करण्यात आली.     यावेळी रोटरॅक्टचे जिल्ह्यातील पदाधिकारी अनिकेत जाधव, साहिल गांधी, दुर्गेश पाटील, रोटरीचे बांदा अध्यक्ष मंदार कल्याणकर, सचिव फिरोज खान, उपाध्यक्ष प्रमोद कामत, श्री. घाटवळ आदी उपस्थित होते.      यावेळी नूतन अध्यक्ष अक्षय मयेकर म्हणाले की, रोटरॅक्टच्या माध्यमातून सर्व क्षेत्...

चिंदर/ प्रतिनिधी-           "जि. प. आचरे उर्दू शाळेची कथामाला गेले अर्धशतक साने गुरुजी कथामालेचे कार्य प्रेरणादायी करीत आहे. त्या शाळेतील मुलांचे, पालकांचे, शिक्षकांचे कथामालेविषयी असलेले प्रेम आणि योगदान भारतातील सर्व कथामालांना प्रेरणादायी असेच आहे. साने गुरुजींना अपेक्षित असे कार्य या कथामालेने केले आहे," असे गौरवोद्गार शामराव कराळे, अध्यक्ष अ.भा. साने गुरुजी कथामाला, मुंबई यांनी कथामालेच्या ५५ व्या राष्ट्रीय अधिवेशनात अणदुर, उस्मानाबाद येथे काढले.          कथामालेचे ५५ वे राष्ट्रीय अधिवेशन शिक्षण महर्षी सि.ना. आतुरे गुरुजी नगरी, जवाहर कला, विज्ञान व वाणिज्य महाविद्यालय, अणदूर तुळजापूर, जि. उस्मानाबाद येथे पार पडले. यावेळी सत्कार समारंभाच्या वेळी ते बोलत होते. जि. प. आचरे उर्दू शाळेला यावेळी शाल, श्रीफळ, सन्मानचिन्ह, सन्मानपत्र आदी देऊन गौरविण्यात आले. व्यासपीठावर पन्नालाल खुराणा (ज्येष्ठ समाजवादी कार्यकर्ते), सुधीर पुजारी (कार्यवाह कथामाला), लालासाहेब पाटील (कार्याध्यक्ष कथामाला) मधुकरराव चौधरी (माजी राज्यमंत्री) आदी जेष्ठ समाजवादी क...

 सावंतवाडी ता. ३०: अल्वपयीन मुलीवर अत्याचार केल्याप्रकरणात सावंतवाडीतील “कॉरंटाईन जेल” मधून पळून गेलेल्या संशयिताला गोवा पोलिसांनी तब्बल दीड वर्षानंतर अटक केली. ही कारवाई मडगाव पोलिसांकडून करण्यात आली आहे. याबाबतचा गुन्हा सिंधुदुर्गनगरी पोलिस ठाण्यात दाखल करण्यात आला होता. त्यानंतर तो कोरोनाकाळात सुरू असलेल्या कोलगाव आयटीआयमध्ये न्यायालयीन कोठडीत होता. परंतू त्यावेळी खिडकीचे गज तोडून तो पळून गेला होता. प्रमोद मधूकर परब (४८) रा. कुडाळ, असे त्याचे नाव आहे. त्याला ताब्यात घेण्यासाठी सावंतवाडी पोलिस गोवा येथे गेले आहेत. तर उद्या त्याला न्यायालयात हजर करण्यात येणार आहे, असे सावंतवाडीचे प्रभारी पोलिस निरीक्षक सचिन हुंदळेकर यांनी सांगितले. याबाबत अधिक माहिती अशी की, संबंधित संशयित ओरोस येथील पॉक्सो अंतर्गत कारवाईत सावंतवाडी कारागृहात न्यायालयीन कोठडीची शिक्षा भोगत होता. दरम्यान कोरोना काळात कोलगाव-आयटीआय मध्ये सुरू करण्यात आलेल्या क्वारंटाईन जेलमध्ये त्याला ठेवण्यात आले होते. यावेळी मध्यरात्रीच्या सुमारास संबंधित संशयिताने खिडकीचे गज तोडून पलायन केले होते. त्यानंतर पोलिसांकडून त्याचा शोध ...

 वेंगुर्ले ता. ३०: कुडाळ शहरात ‘दावत ए इस्लामी’ या पाकिस्तानी संघटनेचे फलक लावले जातात. ते लावणार्‍यांवर का कारवाई होत नाही ? राजस्थानमधील कन्हैयालालच्या हत्येच्या कटात ‘दावत ए इस्लामी’ या संघटनेचा हात आहे, असे राष्ट्रीय अन्वेषण यंत्रणेने तिच्या अन्वेषण अहवालात म्हटले आहे. ‘दावत ए इस्लामी’ या संघटनेचे सिंधुदुर्ग जिल्ह्यात काय काम आहे ? हे प्रशासन आणि पोलीस यांनी सांगावे. कुडाळ – शहरातील कुडाळ हास्कूलच्या पटांगणावर हिंदु जनजागृती समिती आयोजित हिंदु राष्ट्र-जागृती सभा झाली. सभेच्या प्रारंभी शंखनाद, त्यानंतर सनातनच्या धर्मप्रचारक सद्गुरु स्वाती खाडये यांच्या वंदनीय उपस्थितीत आणि सनातनचे धर्मप्रचारक सद्गुरु सत्यवान कदम यांच्या शुभहस्ते दीपप्रज्वलन करण्यात आले. या वेळी हिंदु जनजागृती समितीचे पश्चिम महाराष्ट्र, कोकण, तसेच गोवा आणि गुजरात या राज्यांचे समन्वयक श्री. मनोज खाडये आणि हिंदु जनजागृती समितीचे अधिवक्ता संघटक अधिवक्ता नीलेश सांगोलकर उपस्थित होते. सूत्रसंचालन आणि आभार प्रदर्शन श्री. आनंद मोंडकर यांनी केले. हिंदु जनजागृती समितीच्या कार्याची ओळख समितीचे जिल्हा समन्वयक श्री. हेमंत मणे...

 सावंतवाडी । प्रतिनिधी : सावंतवाडी शहरातील काही भागात मध्यरात्री झालेल्या अघोषित लोडशेडिंगच्या प्रकरणातील दोषींवर मंत्री वरिष्ठ अधिकाऱ्यांच्या आदेशानंतरही निलंबनाची कारवाई होत नसल्याने या विरोधात प्रजासत्ताक दिनी पत्रकार विनायक गांवस यांनी उपोषण छेडले. दरम्यान, याबाबत राज्याचे शालेय शिक्षण मंत्री दीपक केसरकर यांनी फोनवरून उपमुख्यमंत्री आणि उर्जामंत्री यांची भेट घेण्यासाठी विनायक गांवस यांना तातडीने मंत्रालयात पाचारण करत उपोषण थांबविण्याची विनंती केल्यानंतर हे उपोषण तुर्तास स्थगित करण्यात आले. विनायक गांवस यांच्या उपोषणाला पाठिंबा देण्यासाठी उपस्थित असलेले बाळासाहेबांच्या शिवसेनेचे तालुकाप्रमुख बबन राणे, सावंतवाडी नगरपरिषदेचे माजी नगराध्यक्ष बबन साळगावकर, गजानन नाटेकर, सावंतवाडी तालुका पत्रकार संघाचे अध्यक्ष प्रवीण मांजरेकर, ज्येष्ठ पत्रकार अभिमन्यू लोंढे, पत्रकार हरिश्चंद्र पवार, राजू तावडे, युवा रक्तदाता संघटनेचे अध्यक्ष देव्या सूर्याजी, सामाजिक कार्यकर्ते मंगेश तळवणेकर, रवी जाधव, संजय पेडणेकर, समीरा खलील, पत्रकार दीपक गांवकर, रुपेश पाटील, भगवान शेलटे दीपक गांवकर आदींची उपस्थिती ल...

प्रतिनिधी/ चिंदरः लिटल थिएटर बालरंगभूमीच्या संचालिका श्रीमती सुधाताई करमरकर स्मृती प्रीतर्थ बाल कलाकार पूरस्कार २०२२ ची घोषणा करण्यात आली आहे. सोनी मराठी वाहिनी वरील छोट्या बयोची मोठी स्वप्न या मालिकेतील बाल कलाकार रुची संजय नेरुरकर हिला सदर पुरस्कार जाहीर झाला आहे. कुडाळ तालुक्यातील नेरूर गावची कन्या असलेल्या रुची हिला सदर पुरस्कार ७ फेब्रुवारी रोजी रात्री श्री भराडी माता रंगमंच आंगणेवाडी येथे मान्यवरांच्या हस्ते प्रदान करण्यात येणार असल्याची माहिती बाल नाट्य व्यवस्थापक नरेंद्र आंगणे यांनी दिली आहे.

 कणकवली, ता.२७ :व्हॉइस ऑफ मीडिया या पत्रकारांच्या राष्ट्रीय संस्थेच्या सिंधुदुर्ग जिल्हाध्यक्षपदी विजय गावकर, कार्याध्यक्षपदी विवेक ताम्हणकर तर सरचिटणीसपदी राजन चव्हाण यांची निवड करण्यात आली आहे. हंगामी अध्यक्ष विवेक ताम्हणकर यांच्या अध्यक्षतेखाली पार पडलेल्या बैठकीत सर्वानुमते या निवडी जाहीर करण्यात आल्या आहेत. तसेच तालुकाध्यक्ष निवडीही जाहीर करण्यात आल्या. जिल्हा कार्यकारणीच्या कोषाध्यक्षपदी विनोदी जाधव, सहसरचिटणीस पदी श्रेयश शिंदे, जिल्हा उपाध्यक्षपदी स्वप्निल तांबे यांची निवड करण्यात आली आहे. या बैठकीत कणकवली तालुकाध्यक्षपदी अनंत पाताडे, कुडाळ तालुका अध्यक्षपदी गुरुनाथ दळवी, देवगड तालुका अध्यक्षपदी स्वप्निल लोके यांची निवड करण्यात आली. पत्रकार राजन चव्हाण यांच्या कार्यालयात व्हाईस ऑफ मीडियाची बैठक पार पडली. यावेळी विवेक ताम्हणकर, विजय गावकर, राजन चव्हाण, अनंत पाताडे, विनोद जाधव, श्रेयश शिंदे, स्वप्निल तांबे आदी उपस्थित होते. याप्रसंगी पत्रकार बांधवांच्या विविध प्रश्नांवर चर्चा करण्यात आली. सकारात्मक पत्रकारिता केली गेली तर पत्रकारितेकडे बघण्याचा दृष्टिकोन बदलेल. सकारात्मक पत्रक...

 सावंतवाडी,ता. २७: सिंधुदुर्ग जिल्हा आणि सावंतवाडी तालुका वैश्य समाज यांच्या संयुक्त विद्यमाने १२ तारखेला सावंतवाडीत गोवा, महाराष्ट्र आणि कर्नाटक या तीन राज्यातील वधूवरांसाठी वधूवर मेळावा आयोजित करण्यात आला आहे. यावेळी शालेय शिक्षण मंत्री दिपक केसरकरांचा समाजाच्यावतीने सत्कार करण्यात येणार आहे, अशी माहिती आज येथे आयोजित पत्रकार परिषदेत स्वागत समितीचे अध्यक्ष अ‍ॅड. दिलीप नार्वेकर यांनी दिली. दरम्यान भविष्यात शहरातील वैश्य भवनच्या इमारतीवर वसतिगृह बांधण्यासाठी प्रयत्न सुरू आहेत. त्यासाठी आवश्यक असलेल्या परवानग्या तसेच अन्य हालचाली आम्ही सुरू केल्या आहेत, असेही त्यांनी यावेळी सांगितले. वैश्य समाज पदाधिकार्‍यांच्या माध्यमातून आज या ठिकाणी पत्रकार परिषद घेण्यात आली. यावेळी जिल्हाध्यक्ष सुनिल भोगटे, सावंतवाडी तालुकाध्यक्ष रमेश बोंद्रे, पुष्पलता कोरगावकर, बाळ बोर्डेकर, समिर वंजारी, गितेश पोकळे, प्रतिक बांदेकर, कपिल पोकळे आदी उपस्थित होते. यावेळी श्री. नार्वेकर म्हणाले, वैश्य समाज सावंतवाडी मंडळ यावर्षी शतक महोत्सव साजरा करीत आहे. या पार्श्वभूमीवर तीन राज्यांचा वधूवर मेळावा या ठिकाणी आयोजि...

सौ. संजना सदडेकर अध्यक्ष तर सदाशिव राणे व भूषण शेटये उपाध्यक्ष प्रतिनिधी / चिंदर:ह्युमन राईट असोसिएशन् फाँर प्रोटेक्शनची कणकवली तालुका कार्यकारीणी आज जाहिर करण्यात आली. राष्ट्रीय अध्यक्ष खंडुदेव कटारे,  राष्ट्रीय उपाध्यक्ष प्रमोद केसरकर,  महाराष्ट्र राज्य सचिव राकेश शिंदे,  राज्य निरीक्षक घनश्याम सांडीम यांच्या मार्गदर्शना नुसार कोकण विभागीय अध्यक्ष  संतोष नाईक व जिल्हाध्यक्ष मनोज तोरसकर यांनी कणकवली तालुका कार्यकारणी जाहीर केली.           सौ. संजना सदडेकर यांची कणकवली तालुकाध्यक्ष म्हणून, सदाशिव राणे व भूषण शेटये उपाध्यक्ष, मनोज वारे यांची सचिव, हनिप पीरखान यांची कार्याध्यक्ष, ऋषीकेश कोरडे यांंची संघटक, प्रविण गायकवाड यांची निरीक्षक व साईनाथ गोसावी यांची जनसंपर्क अधिकारी म्हणून निवड करण्यात आली.

वेंगुर्ले:नॅक समितीच्या मुल्यांकनामध्ये वेंगुर्ला येथील बॅ.बाळासाहेब खर्डेकर महाविद्यालयाला ‘अ‘ मानांकन मिळाल्याबद्दल भाजपाच्यावतीने प्राचार्य डॉ.विलास देऊलकर, अंतर्गत गुणवत्ता हमी कक्षाचे समन्वयक प्रा.डी.बी.राणे, सहाय्यक समन्वयक प्रा.बी.एम.भैरट, प्रा.डॉ.एम.बी.चौगुले यांचा सत्कार करण्यात आला.   यावेळी भाजपा जिल्हा सरचिटणीस प्रसन्ना देसाई, जिल्हा उपाध्यक्ष अॅड.सुषमा खानोलकर, माजी उपनगराध्यक्ष शितल आंगचेकर, महीला मोर्चा शहर अध्यक्षा प्रार्थना हळदणकर, माजी नगरसेविका श्रेया मयेकर तसेच संस्था प्रतिनिधी सुरेंद्र चव्हाण, प्रा.डॉ.आनंद बांदेकर इत्यादी उपस्थित होते.

मसुरे:जि.प. मसुरे नं.१ केंद्रशाळेला आर.के.इलेक्ट्रॉनिक्स मालवण यांजकडून या फार्मचे मालक भाई कोयंडे यांच्या हस्ते काँडलेस माईक सह ट्राँली स्पीकर सेट भेट देण्यात आला.सुमारे पाच हजार रु.किंमतीचा हा सेट आर.के.इलेक्ट्रॉनिक तर्फे मसुरे नं.१ शाळेच्या उच्चश्रेणी मुख्याध्यापिका  सौ.शर्वरी शिवराज सावंत यांच्या जवळ सुपुर्द केला. भाई कोयंडे यांचे सामाजिक क्षेत्रात मोठे योगदान असून शालापयोगी गरजा प्राधान्याने पूर्ण करण्यासाठी त्यांचे गावागावात नेहमीच मोठे योगदान असते. त्यांच्या या दातृत्वाबद्दल मसुरे गावात त्यांचे कौतुक होत आहे. मसुरे नं.१ शाळा व्यवस्थापन समिती अध्यक्ष श्री.सन्मेष मसुरेकर,माजी अध्यक्ष श्री.दत्तप्रसाद पेडणेकर,केंद्रप्रमुख श्री.नारायण देशमुख सर,मुख्या.सौ.शर्वरी सावंत व शिक्षकवृंद  यांनी या भेटी बद्दल आ.के.इलेक्ट्रॉनिक चे विशेष आभार मानले. मसुरे केंद्र शाळेला स्पीकर सेट भेट मिळाल्यामुळे येथील विद्यार्थ्यांच्या कलागुणांना वाव मिळण्यास मोठी मदत होणार आहे.

  दोडामार्ग : डी . एड् . बेरोजगार संघर्ष समितीच्या शिष्टमंडळाने नुकतीच शालेय शिक्षणमंत्री दीपक केसरकर यांची भेट घेत चर्चा केली . मात्र , सकारात्मक चर्चा न झाल्याने किंबहुना डी.एड् . बेरोजगार संघर्ष समितीच्या मागण्या मान्य न झाल्याने २६ जानेवारी रोजी जिल्हाधिकारी कार्यालयासमोर लाक्षणिक उपोषण करण्याचा इशारा संघर्ष समितीने दिला आहे . डीएड बेरोजगार संघर्ष समितीच्या शिष्टमंडळाने त्यांच्या विविध मागण्यांसाठी शालेय शिक्षण मंत्री दिपक केसरकर यांची भेट घेतली . यावेळी ५० हून अधिक पदवीधारक युवक उपस्थित होते . कमी पटसंख्येच्या शाळेवर सेवानिवृत्त शिक्षकांना मानधन तत्त्वावर घेण्यापेक्षा बेरोजगार असलेल्या डी.एड् . पदवी धारकांना सामावून घेण्याची , टीईटी परीक्षा न घेण्याची मागणी केली . तसेच जिल्हास्तरावर स्थानिकांना ८० टक्के प्राधान्य देऊन किंवा समायोजन कार्यालयामार्फत डी.एड् . मेरीटप्रमाणे भरती करावी . जेणेकरून जिल्हावार स्थानिकांना रोजगार मिळेल व बदलीचा प्रश्न निर्माण होणार नाही . मात्र , या मागण्यांबाबत सकारात्मक चर्चा न झाल्याने अखेर २६ जानेवारी रोजी जिल्हाधिकारी कार्यालयासमोर लाक्षणिक उपोषण कर...

 सिंधुदुर्ग : महाराष्ट्र बॉडीबिल्डर्स व सिंधुदुर्ग बॉडीबिल्डर्स असोसिएशन यांच्या मान्यतेने फ्युचर फिट जिम आयोजित जिल्हास्तरीय शरीरसौष्ठव टॉप १० मेन फिजिक्स स्पर्धा 'सिंधुदुर्ग श्री'चे मानकरी माजी सैनिक राजेश हिरोजी मानकरी ठरले. तर  फ्युचर फिट जिमचा गणेश सरवंजे उपविजेता तर टीम शिवाजीच्या ओम सावंतने मेन फिजिक चषक पटकावला.  २२ जानेवारी रोजी फ्युचर फिट जीमच्यावतीन जिल्हास्तरीय सिंधुदुर्ग श्री २०२३ स्पर्धा संपन्न झाली. या स्पर्धच उद्घाटन बाळासाहेबांच्या शिवसेनेचे जिल्हाप्रमुख संजय आंग्रे यांच्या हस्ते करण्यात आले. याप्रसंगी कार्यक्रमाचे अध्यक्ष सिंधुदुर्ग बॉडी बिल्डर्स असो. जिल्हाध्यक्ष पुंडलिक दळवी,सिंधुदुर्ग जिल्हा बँकेचे माजी अध्यक्ष सतीश सावंत, जिल्हा परिषद सभापती संदेश पटेल, शिवसेना ठाकरे गट नेते संदेश पारकर, सुरेश कदम, आशिष वर्तक, अजित नाडकर्णी, मोहन भोगले, नागेश कोरगावकर, फ्युचर फिट जिमचे अमित अनिल कदम, शिवाजी जाधव, पिंटू पटेल आदी उपस्थित होते. यावेळी फ्युचर फिट जिम सातत्याने स्पर्धां घेत असते. फोंडाघाटमध्ये पंधरा वर्षांनी शरीरसौष्ठवचा थरार फोंडाघाट वासियांना अनुभवायला ...

 बांदा,ता.२५: जोखीम कालावधी संपण्यापूर्वीच दुरावस्था झालेल्या बांदा-नेतर्डे रस्त्याची तात्काळ डागडुजी करावी अन्यथा जनआंदोलन उभारण्याचा लेखी इशारा उपसरपंच जावेद खतीब यांनी दिल्यानंतर महाराष्ट्र रस्ते विकास कार्यालयच्या वतीने आज रस्त्यावरील खड्डे बुजविण्याच्या कामास प्रारंभ करण्यात आला. यावेळी स्वतः उपसरपंच खतीब, ग्रामपंचायत सदस्य राजाराम धारगळकर यांनी उपस्थित राहत ठेकेदाराला सूचना दिल्यात. या रस्त्यावर ठिकठिकाणी खड्ड्याचे साम्राज्य पसरले असून या रस्त्याची तात्काळ डागडुजी करावी अशी लेखी मागणी बांदा ग्रामपंचायतच्या वतीने महाराष्ट्र रस्ते विकासच्या कार्यकारी अभियंता यांच्याकडे करण्यात आली होती. येत्या १५ दिवसात खड्डे न बुजविल्यास प्रसंगी जनआंदोलन उभारण्यात येईल असा इशारा उपसरपंच जावेद खतीब यांनी अभियंता यांना दिला होता.निवेदनात म्हटले होते की, बांदा ते आरोसबाग गोवा सीमेपर्यंत रस्त्यावर ठिकठिकाणी भलेमोठे खड्डे पडले आहेत. रस्ता काम पूर्ण झाल्यानंतर काही कालावधीतच रस्ता वाहतुकीस खराब झाला आहे. गतवर्षी मागणी केल्यानंतर तात्पुरत्या स्वरूपात डागडुजी करण्यात आली होती. रस्त्याच्या जोखीम कालावध...

देवगड तालुक्यातील मुणगे गावचे सुपुत्र व रत्नागिरी जिल्ह्यातील गुहागर येथील जि. प. शाळा झोंबडी नंबर १ या प्रशालेचे तंत्रस्नेही शिक्षक सतिश पांडुरंग मुणगेकर यांना नवी दिशा, नवे उपक्रम राज्य स्तरीय समूहातर्फे  अभिनव उपक्रमांसाठी राज्यस्तरीय उपक्रमशील शिक्षक पुरस्कार 2023 ने राष्ट्र सेवादलाचे निळू फुले सभागृह सानेगुरुजी स्मारक सिंहगड रोड पुणे येथे सन्मानित करण्यात आले.   राष्ट्र सेवादलाचे संचालक शिवाजी खाडेकर यांच्या हस्ते सन्मानचिन्ह, प्रशस्तीपत्र देऊन सन्मानित करण्यात आले.  सतीश मुणगेकर हे निसर्ग व  सामाजिक पर्यावरण प्रदूषण निवारण मंडळ महाराष्ट्र राज्य याचे संघटक आहेत तर अध्यक्ष अविष्कार फाऊंडेशन इंडीया तालुका शाखा गुहागर चे अध्यक्ष आहेत. त्यांना यापूर्वी राज्यस्तरीय पर्यावरण पूरक शिक्षक पुरस्कार  २०१७ महाराष्ट्र राज्य, राज्यस्तरीय पर्यावरण  मित्र शिक्षक पुरस्कार  २०१९ महाराष्ट्र राज्य, राज्यस्तरीय  क्रांतिसूर्य महात्मा ज्योतिबा फुले गुणवंत शिक्षक पुरस्कार २०२१, राष्ट्रीय स्मार्ट टीचर पुरस्कार २०२१-२२, शैक्षणिक व सामाजिक कार्यगौरव राज्य स्तरीय ...

 सावंतवाडी,ता.२३: येथील श्री दैवज्ञ गणपती मंदिरात मूर्ती प्रतिष्ठापनेचा ३३ वा वर्धापन दिन आणि माघी गणेश जयंती निमित्त विविध धार्मिक कार्यक्रमांचे आयोजन करण्यात आले आहे. २४ ते २७ जानेवारी या कालावधीत हा सोहळा संपन्न होणार आहे. यावेळी भाविकांनी मोठ्या संख्येने उपस्थित राहून दर्शनाचा व कार्यक्रमांचा लाभ घ्यावा, असे आवाहन अध्यक्ष शिवशंकर नेरुरकर यांनी केले आहे. श्री देव दैवज्ञ गणपती मंदिरामध्ये गणपती मूर्ती प्राणप्रतिष्ठा 33 वा वाढदिवस तसेच सालाबादप्रमाणे, माघी गणेश जयंती, नारायण स्वामी पुण्यतिथी व बालाजी उत्सव साजरे केले जाणार आहेत. त्याप्रित्यर्थ पुढील प्रमाणे कार्यक्रम आयोजित केलेले आहेत. यात मंगळवार २४ जानेवारी २०२३ सकाळी ९:३० वाजता गणपती मूर्ती ( श्री) ची पूजाअर्चा, वाढदिवस, गणपती अथर्वशीर्ष, जप व रात्रौ भजन, बुधवारी २५ जानेवारी २०२३ सकाळी श्रींची पूजाअर्चा, अभिषेक वगैरे सकाळी साडेदहा वाजता गणेश जन्मावर किर्तन, दुपारी बारा वाजता गणेश जन्म, दुपारी साडेबारा ते रात्र नऊ वाजेपर्यंत गणेश नामजप व रात्रौ नऊ नंतर भजन, गुरुवारी २६ जानेवारी २०२३ सकाळी ‘श्री’ नारायण स्वामींच्या पुण्यतिथीच्या...

  सावंतवाडी :   शहरातील एका फायनान्स कंपनीने लोकांची अक्षरशः केली आहे पिळणूक. मोबाईल टीव्ही त्याचप्रमाणे इलेक्ट्रॉनिक वस्तूंवर तातडीने लोन देऊन लोकांचा प्रतिसाद मिळवत आता पिळणूक सुरू केली आहे. वेळेवर हफ्ता भरूनही तो आमच्याकडे अपडेट झाला नाही. त्यामुळे आपण पेनल्टीसाठी पात्र आहात त्यानंतर पैसे वेळेवर भरूनही 450 रुपये पेनल्टी आकारली जाते. आणि त्या वसुलीसाठी काही नेमणूक केलेल्या रिकवरी एजंट हे लोकांच्या घरी जाऊन चुकीच्या भाषेत किंवा मोबाईलवर चुकीचे संभाषण करून लोकांना त्रास देण्याचा प्रयत्न होत आहे. सदर काही तक्रारी आमच्या कानी आले असून वेळीच संबंधित कंपनी व सावंतवाडी शहरातील त्या मॅनेजरने उपयोजना करावी जनतेला चांगल्या सोयी सुविधा द्याव्या व चाललेले पिळवणूक थांबवावे असा इशारा मनसेचे माजी शहराध्यक्ष तथा विद्यार्थी सेनेचे जिल्हाध्यक्ष आशिष सुभेदार यांनी दिला आहे. तसेच त्या ठिकाणी पेनल्टी चार्जेस किंवा चौकशी साठी गेल्यानंतर चुकीच्या भाषेत उत्तर दिली जातात मग डीलर ला भेटा तुमचे कागदपत्रे कोणती राहिले आहेत का? हे चौकशी करा यात निव्वळ वेळ काढून ग्राहकांकडून पेनल्टी कशी वसूल करून कंपनीचा...

 बांदा:येथील श्री पिंपळेश्वर गणपती मंदिरात उद्या माघी गणेश जयंती उत्सवाचेे आयोजन करण्यात आले आहे. या सोहळ्यानिमित्त विविध धार्मिक व सांस्कृतिक कार्यक्रम आयोजित केले आहेत. पहाटे ५.०० वाजता-काकड आरती, अभिषेक व पुजा ,सकाळी ८.३० वाजता-श्री गणेश पूजा, सकाळी ९.०० वाजता-श्री सत्यनारायण महापुजा,दुपारी १.०० वाजता- महाआरती व महाप्रसाद सायंकाळी ४.३० वाजता – सुश्राव्य भजनाचा कार्यक्रम ,तर सायंकाळी ६.३० वाजता-सायं आरती होईल.रात्रौ ८.०० वाजता सावरेश्वर दशावतार नाट्यमंडळ, आवेरा, ता. वेंगुर्ला यांचा “वक्रतुंड” पौराणिक नाट्यप्रयोग सादर करण्यात येणार आहे.भाविकांनी या सोहळ्याचा लाभ घेण्याचे आवाहन श्री पिंपळेश्वर गणपती मंडळाच्या वतीने करण्यात आले आहे.

 बांदा दि.२३ जानेवारी महाराष्ट्र बॉडी बॉडीबिल्डर्स व सिंधदुर्ग बॉडीबिल्डर्स असोसीएशन यांच्या मान्यतेने फ्युचर फिट आयोजित जिल्हास्तरीय शरीरसौष्ठव व मेन फिजिक्स स्पर्धा कणकवली फोंडा येथे संपन्न झाली. या स्पर्धेत दोडामार्ग तालुक्यातील मोरगांव गावचा सुपुत्र हितेंद्र कदम याने या स्पर्धेतील बेस्ट पोजरचा किताब मिळवला रसिकांची मने या स्पर्धेत त्याने जिंकली. या अगोदरही विविध स्पर्धेत यश मिळवून त्याने, दोडामार्ग तालुक्याच्या नावलौकीकात भर घातली आहे. त्याने मिळविलेल्या या यशाबदृल त्याचे पंचक्रोशितून अभिनंदन होत आहे.

सावंतवाडी ( प्रतिनिधी) येथील माठेवाडा येथील महिला व बालकल्याण शहरी विभागाच्या अंगणवाडी क्रमांक 66 मध्ये मुलांच्या पालकांसाठी आगळावेगळा हळदीकुंकू समारंभ साजरा करण्यात आला यावेळी हळदी कुंकवाचे वाण म्हणून तुळशी रोप देण्यात आले एक तरी झाड लावा आणि प्राणवायू देणारे झाड लावा असा संकल्प या निमित्ताने करण्यात आला. हा आगळावेगळा उपक्रम अंगणवाडी क्रमांक 66 च्या अंगणवाडी सेविका सौ अनुराधा पवार आणि मदतनीस सौ अमिषा सासोलकर यांनी राबविला या उपक्रमाला मुलांच्या माता ने मोठा उत्स्फूर्त प्रतिसाद दिला यावेळी मुलांना झाडे पाने फुले फळे आणि भाज्या यांची ओळख व्हावी यासाठी रांगोळी स्पर्धेचे आयोजन करण्यात आले होते  पानाफुलांची रांगोळी या अंगणवाडीतील तीन ते पाच वर्षाच्या बालकाने रेखाटली या हळदीकुंकू आणि रांगोळी कार्यक्रमास रत्नागिरी येथील महिला व बालकल्याण शहरी विभागाच्या मुख्य सेविका सौ प्रज्ञा खांडेकर यांची उपस्थिती होती तसेच वेगवेगळ्या पानाफुलांची ओळख करून दिली व साकारलेल्या रांगोळी बद्दल माहिती दिली या उपक्रमाचे शिक्षक महेश लंबे यांनी कौतुक केले तर अशा प्रकारचा अभिनव कार्यक्रम सादर केल्यामुळे मुख्य सेव...

 ओरोस,ता.२३:कसाल येथील श्री सिद्धी विनायक मंदिर ४१ वा वर्धापन दिन आणि माघी गणेश जयंती निमित्त विविध धार्मिक व सांस्कृतिक कार्यक्रमांचे आयोजन करण्यात आले आहे. २५ जानेवारी २०२३ या दिवशी माघी गणेश जयंती असून, या निमित्ताने कसाल सिद्धिविनायक मंदिरात विविध धार्मिक आणि सांस्कृतिक कार्यक्रमांचे आयोजन सध्या सुरू आहे.यात १५ जानेवारीपासून २२ जानेवारी पर्यंत श्रीमद् भागवत सप्ताह आयोजित करण्यात आला होता. यामध्ये श्रीमद् भागवत महापुराण प्रवचन नांदेड येथील वेद शास्त्र संपन्न श्री विश्वासशास्त्री घोडजकर यांच्या वाणीतून भाविकांना ऐकायला मिळाले. तर रविवार २२ जानेवारीला माणगाव येथील परमपूज्य वासुदेवानंद सरस्वती टेंबे स्वामी महाराजांच्या पालखीचा सोहळा साजरा करण्यात आला. तर दिनांक २३ ते २५ जानेवारी या कालावधीत गणेश विष्णू यागाचे आयोजन करण्यात आले आहे. याचबरोबर या कालावधीत प्रवचन, कीर्तन आदींचे आयोजन करण्यात आले आहे. २५ जानेवारी रोजी गणेश जयंती दिवशी पहाटे काकड आरती, त्यानंतर श्री सिद्धिविनायक महापूजा, स्थापित देवता पूजा, उर्वरित हवन, बलिदान, पूर्णावती, ग्राम देव पालखी सह भेट तर दुपारी बारा वाजता गणेश ...

प्रतिनिधी/ चिंदर  मालवण तालुक्यातील वायंगणी ग्रामपंचायत कार्यालयात आज सकाळी शिवसेनाप्रमुख स्व.बाळासाहेब ठाकरे व  क्रांती कारक, देशभक्त नेताजी सुभाषचंद्र बोस या लोकनेत्यांची जयंती उत्साहात साजरी करण्यात आली. दोन्ही लोकनेत्यांच्या प्रतिमेला वायंगणी सरपंच रुपेश पाटकर यांच्या हस्ते पुष्पहार घालून अभिवादन करण्यात आले. यावेळी ग्रामपंचायत सदस्या संजना रेडकर, श्रीकृष्ण वायंगणकर, सचिन रेडकर, संतोष सावंत, रमेश महाजन, युगधंरा पाटील, ग्रामपंचायत चे कर्मचारी जयेश परब, मीरा नाईक तसेच वायंगणी गावातील ग्रामस्थ उपस्थित होते.

ओरोस येथे पार पडली जिल्हास्तरीय निवड प्रक्रिया सावंतवाडी : सिंधुदुर्ग जिल्हा माध्यमिक, उच्च माध्यमिक व अध्यापक विद्यालय शिक्षकेतर कर्मचारी संघाच्या अध्यक्षपदी अनिल राणे यांची रविवारी बिनविरोध निवड करण्यात आली. तर सचिव पदावर गजानन नानचे यांचीही बिनविरोध निवड झाली आहे. जिल्ह्यातील शिक्षकेतर कर्मचारी बांधवांचा लढवय्या नेता म्हणून अनिल राणे परिचित आहेत.  सिंधुदुर्ग जिल्हा शिक्षकेतर कर्मचारी संघटनेची सर्वसाधारण सभा व नूतन कार्यकारिणीची निवड रविवारी माध्यमिक पतपेढी सिंधुदुर्गनगरी, ओरोस येथील सभागृहात खेळीमेळीच्या वातावरणात पार पडली. राज्यामध्ये शिक्षकेतर कर्मचाऱ्यांच्या दोन संघटना निर्माण झाल्या होत्या. त्या दोन्ही संघटनांचे एकत्रीकरण झाले असल्यामुळे जिल्ह्यातही माध्यमिक,  उच्च माध्यमिक व अध्यापक विद्यालय शिक्षकेतर कर्मचारी संघटनेची एकच संघटना असावी, या दृष्टीने प्रयत्न करून तसा ठराव २०  नोव्हेंबर २०२२ ला घेण्यात आला होता.  दरम्यान ह्याच उद्देशाने जिल्ह्यातील शिक्षकेतर कर्मचाऱ्यांची एकच संघटना व एकच अध्यक्ष असावा, यासाठी नवीन निवड प्रक्रिया पार पडली. या निवडणूक प्रक्रियेसा...

 दोडामार्ग : दोडामार्ग बाजारपेठेतील पिंपळेश्वर देवस्थान परिसरापासून ते आयी रोडवरील मराठी शाळेपर्यंतच्या रस्त्याची उंची वाढवण्यात येणार असून बाजारपेठ परिसरातील मोऱ्यांची देखील नव्याने बांधणी करण्यात येणार आहे. असे बांधकाम विभागाचे शाखा अभियंता यांनी आज आज स्पष्ट केले आहे. नगराध्यक्ष चेतन चव्हाण तसेच नगरसेवकांच्या उपस्थितीत शाखा अभियंता चव्हाण यांनी या परिसरात पाहणी करत आवश्यक ती मोजमापे घेतली. व लवकरात लवकर ही कामे मार्गी लावणार असल्याचेही सांगितले. येथील बाजारपेठेतील पिंपळेश्वर चौकातून आयी दिशेने गेलेल्या राज्यमार्गावर वसंत सांस्कृतिक कलाकेंद्र ते बीएसएनएल टॉवरपर्यंतचा परिसर पावसाळ्यात पूर्णत: जलमय होतो. दोडामार्ग – आयी या रोडवरून प्रवास करणाऱ्या अनेक वाहन चालक, पादचारी यांना पावसाळ्यात या भागातून ये जा करणे नकोसे होत होते. भर रस्त्यात पडणारे खड्डे व रस्ताभर पसरणारे मातीयुक्त पाणी याला या भागातील रहिवासी अक्षरशः कंटाळले होते. एकतर रस्त्याच्या दुतर्फा गटारे उभरावीत किंवा थेट रस्त्याची उंची वाढवावी अशा मागण्या नागरिकांमधून व्यक्त होत होत्या. तसेच पिंपळेश्वर सभागृह नजीकची मोरी व त्याच...

 सावंतवाडी । प्रतिनिधी : मुंबई गोवा महामार्गाच्या झाराप पत्रादेवी बायपासवर मळगाव सुतारवाडी सर्कलवर कारच्या जोरदार धडकेत झालेल्या अपघातात दुचाकीस्वाराचा जागीच मृत्यू झाला. कृष्णा बळीराम गवस ( ३५, सध्या रा. मळगांव मूळ रा. सासोली हेदूसवाडी दोडामार्ग )असे त्याचे नाव आहे. मुंबई येथून गोव्याच्या दिशेने जाणाऱ्या कारची जोरदार धडक त्याच्या दुचाकीला बसली. या अपघातात तो जागीच कोसळला व गंभीर इजा झाली. स्थानिकांनी रुग्णवाहिकेला पाचारण करून त्याला सावंतवाडी उपजिल्हा रुग्णालयात उपचारार्थ दाखल केले. मात्र, उपचारापूर्वीच त्याचे निधन झाले होते.  अपघाताची माहिती मिळताच मळगाव उपसरपंच हनुमंत पेडणेकर, पत्रकार तथा सामाजिक कार्यकर्ते प्रसाद परब यांच्यासह स्थानिक ग्रामस्थांनी घटनास्थळी धाव घेतली. त्यांनी रुग्णवाहिकेला पाचरणे केले मात्र तत्पूर्वीच त्याची प्राणज्योत मालवली होती. कारचालक राहील जहिर दादला ( अंधेरी मुंबई ) याला चौकशीसाठी ताब्यात घेण्यात आले आहे. घटनास्थळी पोलीस उपनिरीक्षक सूरज पाटील, उपनिरीक्षक अमित गोते, हे. कॉ. डी.व्ही. नाईक यांसह पोलीस घटनास्थळी दाखल झाले त्यांनी घटनेचा पंचनामा केला.कृष...

 मळगाव येथील उदय रमाकांत वाचन मंदिरातर्फे आयोजित केलेल्या प्रा रमेश कासकर स्मृती जिल्हास्तरीय कथाकथन स्पर्धेच्या लहान गटात आरपीडी हायस्कूल सावंतवाडीच्या अस्मी प्रवीण मांजरेकर हिने तर मोठ्या गटात मळगाव हायस्कूलच्या भूमि एकनाथ नाटेकर हिने प्रथम क्रमांक पटकावला.  स्पर्धेत जिल्ह्यातील ३२ हून अधिक स्पर्धकांनी स्पर्धेत भाग घेतला होता लहान गटात द्वितीय प्राची मदन मुरकर (आरोस पंचक्रोशी हायस्कूल), तृतीय नैतीक नीलेश मोरजकर उत्तेजनार्थ संपूर्ण सुधाकर राऊळ (मळगाव हायस्कूल), सई स्वागत नाटेकर (मळगाव हायस्कूल). मोठा गट... द्वितीय समृध्दी कृष्णा गवस (मळगाव हायस्कूल), तृतीय स्नेहा प्रकाश वेंगुर्लेकर (उभादांडा हायस्कूल), उत्तेजनार्थ सुचिता राघोबा माळकर (मलेवाड हायस्कूल), काजल विलास दळवी (तळवडे हायस्कूल). परीक्षक म्हणून ललन तेली, एच व्ही मालवणकर, किशोर वालावलकर यांनी काम पाहिले पारितोषिक वितरण वाचनालयाचे अध्यक्ष हेमंत खानोलकर, प्रणव कासकर, विजय निगुडकर, बी एस राणे, श्री नार्वेकर व परीक्षकांच्या उपस्थितीत झाले सूत्रसंचालन पृथ्वीराज बांदेकर यांनी केले.

कुडाळ : कुडाळ हायस्कूलच्या पटांगणावर २९ जानेवारी २०२३ या दिवशी सायंकाळी ५ वाजता जाहीर हिंदु राष्ट्र-जागृती सभेचे आयोजन करण्यात आले आहे, अशी माहिती हिंदु जनजागृती समितीचे सिंधुदुर्ग जिल्हा समन्वयक हेमंत मणेरीकर यांनी येथे आयोजित पत्रकार परिषदेत दिली. मुंबई-गोवा महामार्गावर कुडाळ येथील हॉटेल स्पाईस कोकण येथे या पत्रकार परिषदेचे आयोजन करण्यात आले होते. या वेळी सनातन संस्थेचे श्री. शंकर निकम, हिंदु जनजागृती समितीचे श्री. राजेंद्र पाटील आणि धर्मप्रेमी श्री. सतीश सामंत उपस्थित होते. या वेळी श्री. मणेरीकर यांनी सांगितलेकी, देशात अल्पसंख्य आयोग, सच्चर आयोग, अल्पसंख्यांक विकास मंत्रालय आहेत; मात्र बहुसंख्य हिंदूंना कोणतेही संरक्षण देणारे मंत्रालय अथवा आयोग नाही. देशभरात केवळ हिंदूंच्याच मंदिरांचे सरकारीकरण केले जाते, मग मशिदी-चर्च यांचे सरकारीकरण का नाही ? अल्पसंख्याकांना धर्माच्या आधारावर शैक्षणिक अनुदान, मग बहुसंख्य हिंदूंनी काय अपराध केला आहे ? हे सर्व पहाता भारतात खरोखरच धर्मनिरपेक्ष (सेक्युलर) व्यवस्था अस्तित्वात आहे का ? हिंदूंच्या हजारो युवतींना उद्ध्वस्त करणारा नवा आतंकवाद म्हणजे ‘लव्ह ...

माघवारी पायी दिंडीचे शिरगाव  येथून श्रीक्षेत्र पंढरपूर कडे प्रस्थान प्रतिनिधी / चिंदर टाळ मृदुंगाच्या गजरात,        विठ्ठलनामाच्या अखंड जयघोषात देवगड तालुक्यातील शिरगाव वारकरी संप्रदायाची माघवारी पायी दिंडीने गुरुवारी सकाळी  शिरगाव बाजारपेठ येथील श्री हनुमान मंदिर येथून श्रीक्षेत्र पंढरपूरकडे प्रस्थान केले. शिरगाव गावचे ग्रामदैवत श्री पावणाई देवीच्या देवालयात प्रथम श्रीफळ व विनंती ठेवून माघवारी पायी दिंडीचा शुभारंभ करण्यात आला. सकाळी बाजारपेठेतील श्री हनुमान मंदिरात शिरगाव दशक्रोशीतील वारकरी माऊली, ग्रामस्थ, विविधक्षेत्रांतील मान्यवर एकत्र येऊन हरीपाठ व आरतीचा कार्यक्रम पार पडला. हनुमान मंदिरास प्रदक्षिणा पूर्ण झाल्यानंतर पायी दिंडीचे श्रीक्षेत्र पंढरपूरकडे प्रस्थान झाले. यावेळी शिरगाव बसस्थानकासमोर दिंडी आल्यानंतर 'दिंडी  चालली... चालली.. चालली... पंढरपुरा, हरी मुखे म्हणा, हरि मुखे म्हणा,  सुंदर ते ध्यान उभे विटेवरी यांसारखे वारकरी अभंग गात विठूनामाच्या जयघोषात रिंगण केले. दिंडीत सहभागी झालेल्या वारकरी  माऊलींना शुभेच्छा देण्यासाठी  क्ष...

प्रा. रुपेश पाटील यांचे विद्यार्थ्यांना आवाहन दुर्ग मावळा प्रतिष्ठानतर्फे हळदीचे नेरूर येथे व्याख्यान संपन्न सावंतवाडी : संपूर्ण राज्यात शालेय गुणवत्तेचा मानबिंदू ठरलेला, कला व सांस्कृतिक कामगिरीने महाराष्ट्राच्याच नव्हे तर संपूर्ण देशाच्या नकाशावर अग्रगण्य असलेला सिंधुदुर्ग जिल्हा मात्र प्रशासकीय अधिकाऱ्यांच्या बाबतीत अजूनही खूप मागे आहे, ही बाब आपल्या जिल्हावासियांना निश्चितच खेदजनक असून सिंधुदुर्ग जिल्हा आगामी काळात अधिकाऱ्यांचा जिल्हा म्हणून नावारूपास येण्यासाठी विद्यार्थ्यांची महत्त्वाची भूमिका असणार आहे, म्हणून विद्यार्थी दशेपासूनच अधिकारी होण्याचे मोठे स्वप्न बाळगा, असे प्रतिपादन सुप्रसिद्ध व्याख्याते प्रा. रुपेश पाटील यांनी हळदीचे नेरूर (ता.कुडाळ) येथे आयोजित व्याख्यानात केले.  दुर्ग मावळा प्रतिष्ठान कोकण विभाग व महाराष्ट्र राज्य शिक्षक परिषद (प्राथमिक) शाखा, सिंधुदुर्ग यांच्यामार्फत न्यू इंग्लिश स्कूल हायस्कूल हळदीचे नेरूर येथे 'एमपीएससी, यूपीएससी तसेच तत्सम स्पर्धा परीक्षा यांची तयारी' या विषयावर प्रशालेच्या सभागृहात प्रा. रुपेश पाटील यांचे व्याख्यान संपन्न झाले. यावे...

 बांदा : विलवडे – बांदा इथं ४ डंपर सहीत १२ ब्रास वाळु जप्त करण्यात आली आहे. जिल्हा पोलीस अधीक्षकांच्या आदेशानुसार नाकाबंदी आणि कोबींग ऑपरेशनच्या दरम्यान, बांदा पोलीस ठाण्याचे सहाय्यक पोलीस निरीक्षक शामराव काळे यांच्या मार्गदर्शनाखाली हि मोठी कारवाई करण्यात आली. यावेळी पोलीस शिपाई विजय जाधव, पोलीस हवालदार रामचंद्र तेली, चालक पोलीस हवालदार सुधीर बर्डे, संजय विठू हुंबे, पोलीस हवालदार विजय गोसावी हे कारवाईत सहभागी झाले होते. विनापरवाना बेकायदा वाहतूक होत असलेल्या या कारवाईत ४ डंपर चालकांवर कारवाई करण्यात आली. भादविक ३७९, ३४ नुसार गुन्हा नोंदकरण्यात आला.या प्रकरणी बेकायदा वाळूची वाहतूक करणारे एमएच ०७ एक्स १९८२,जीए ०४ टी ३३६१,टीएन ६५ एजे ६१४५,एम्एच ०७ एक्स ००७१ हे डंपर ताब्यात घेतले. तसेच  ऋत्विक प्रदीप महाले(साळ गोवा),दादू काळसेकर(काळसे मालवण),गौरव राणे(माडखोल) व अक्षय कोकरे(नेमळे) यांच्या विरोधात गुन्हा दाखल करण्यात आला आहे. या कारवाईत सुमारे ४० लाख ७२ ००० मुद्देमाल जप्त करण्यात आला.  सहाय्यक पोलीस निरीक्षक शामराव काळे यांनी केलेल्या या कारवाईचं सर्वत्र कौतुक होत आहे.

 सावंतवाडी,ता.२०: येथील पत्रकार संघाच्यावतीने आयोजित करण्यात आलेल्या जिल्हास्तरीय क्रिकेट स्पर्धेचा मानकरी वेंगुर्ला पत्रकार संघ ठरला, तर सावंतवाडी पत्रकार संघ उपविजेता संघ ठरला. दरम्यान जिमखाना मैदानावर लवकरच डे-नाईट सामने खेळण्यासाठी आवश्यक असलेल्या फ्लड लाईटची सोय करण्यात येईल, असे आश्वासन शालेय शिक्षण मंत्री दीपक केसरकर यांनी दिले. सावंतवाडी पत्रकार संघ आणि इडमिशन या संस्थेच्या माध्यमातून या स्पर्धेचे आयोजन करण्यात आले होते. या स्पर्धेच्या बक्षीस वितरण प्रसंगी जिल्हा बँकेचे अध्यक्ष मनिष दळवी, राष्ट्रवादीच्या कोकण महिला अध्यक्षा सौ. अर्चना घारे, जिल्हा पत्रकार संघाचे अध्यक्ष उमेश तोरसकर, जेष्ठ पत्रकार गजानन नाईक, सैनिक बँकेचे व्यवस्थापक सुनिल राऊळ, डिजीटल मीडियाचे जिल्हाध्यक्ष अमोल टेंबकर, सावंतवाडी तालुका पत्रकार संघाचे सदस्य प्रविण मांजरेकर, माजी नगरसेवक बाबू कुडतरकर, राष्ट्रवादी तालुकाध्यक्ष पुंडलिक दळवी, विनायक परब, बाळू कशाळीकर, देव्या सुर्याजी, सायली दुभाषी, चित्रा बाबर-देसाई, साक्षी वंजारी, जिल्हा पत्रकार संघाचे खजिनदार संतोष सावंत, सदस्य हरिश्चंद्र पवार, सागर चव्हाण, अभि...

 मसुरे प्रतिनिधी:मसुरे गडघेरावाडी चे सुपुत्र, मुंबई येथील सामाजिक कार्यकर्ते, कोरोना योद्धा, अनेक रुग्णांचे आधारवड,  विठ्ठल भाऊ परब यांना मुंबई मुलुंड येथे मुंबई येथील प्रसिद्ध प्लॅटिनम हॉस्पिटल तर्फे त्यांनी  केलेल्या कामाची दखल घेऊन  मुंबई मुलुंड येथे मानपत्र सन्मानचिन्ह देऊन  मान्यवरांच्या हस्ते गौरविण्यात आले.   यावेळी डॉक्टर विजय कुट्टी, डॉक्टर सचिन यादव, डॉक्टर विनय बोरवल, डॉक्टर नयना मॅडम आणि प्लॅटिनम मधील सर्व कर्मचारी वर्ग उपस्थित होते.      विठ्ठल परब यांनी मुंबई प्लॅटिनम हॉस्पिटल येथे अतिशय चांगल्या पद्धतीने काम केले होते अनेक रुग्णांना योग्य मार्गदर्शन करून त्यांना वेळोवेळी सहकार्य केले होते कोरोना काळातही कोरोना योद्धा म्हणून अतिशय चांगल्या पद्धतीने आरोग्य सेवा बजावली होती या कामाची दखल मुंबई मुलुंड येथील प्रसिद्ध अशा प्लॅटिनम हॉस्पिटल ने घेऊन यांना मान्यवरांच्या हस्ते गौरविण्यात आले यावेळी बोलताना विठ्ठल परब म्हणाले मी केलेल्या चांगल्या कामाची दखल घेऊन आज प्लॅटिनम हॉस्पिटल ने जो माझा गौरव केला आहे ते माझ्यासाठी मोठे भाग्याच...

नवी दिशा नवे उपक्रम या राज्यस्तरीय समुहाच्या माध्यमातून महाराष्ट्रातील ५०उपक्रशील शिक्षकांच्या नवी दिशा नवे उपक्रम या पुस्तकाचा प्रकाशन सोहळा व उपक्रमशील शिक्षकांचा गुणगौरव सोहळा रविवारी पुणे येथे संपन्न होणार आहे.  संपदक  देवराव चव्हाण यांच्या मार्गदर्शनाखाली साकारलेल्या या पुस्तक प्रकाशन सोहळ्यासाठी उपसंचालक रमाकांत काठमौरे,माजी उपसंचालक विकास गरूड,उपप्रशासकीय अधिकारी शुभांगी चव्हाण, सहाय्यक प्रशासकीय अधिकारी जयेश शेंडकर,विजय आवारे, याचबरोबर शिवाजी खांडेकर, सचिन डिंगळे, बाळकृष्ण चोरमले,राजेश सुर्वे, सेवानिवृत्त शिक्षिका विजया महाडिक यांच्या उपस्थितीत या पुस्तकाचे प्रकाशन राष्ट्र सेवादलाचे निळू  फुले सभागृह सानेगुरुजी स्मारक सिंहगड रोड पुणे येथे सकाळी ११ते दूपारी ३या वेळेत संपन्न होणार आहे.                 या पुस्तकात श्री जे.डी.पाटील सिंधुदुर्ग,स्वाती पाटील सिंधुदुर्ग, बळीराम जाधव अहमदनगर,संतोष गवळी अहमदनगर, प्रदीप विघ्ने नागपूर, प्रमिला गावडे अहमदनगर, दिपाली  लोखंडे पुणे, ध्रुर्वास राठोड जळगाव ,शंकर चौरे धुळे, लता गवळी ...

साडेतीन फूट व्यास व अडीज फूट उंचीचा नगारा   लक्षवेधी प्रतिनिधी-चिंदर मालवण तालुक्यातील त्रिंबक येथील सुप्रसिद्ध पखवाज मेकर सुभाष भाट यांनी स्वतःच्या कल्पनेतून  तयार केलेला सुमारे साडे तीन फूट व्यासाचा नगारा परमपूज्य गगनगिरी महाराज यांच्या पुण्यतिथीचा योग साधून गगनगिरी मठ येथे महाराजांच्या चरणी भेट दिला आहे.  १९ जानेवारी   रोजी गगनगिरी महाराज पुण्यतिथीच्या निमित्ताने गगनगडावर काकड आरतीच्या वेळी या नगाऱ्याच्या नादाने अक्खा गगनगड दुमदुमुन गेला आहे. सुभाष भाट हे बाळा भाट या नावाने परिचित आहेत. गत वर्षी घटस्थापनेस ते वायंगणी येथील सचिन रेडकर यांच्या सोबत गगनगड येथे मठात गेले होते. त्यानंतर पुन्हा नवरात्र उत्सवात तेथे गेल्या नंतर काही ईश्वरी संकेत त्यांना मिळाल्या नंतर मठासाठी मोठा नगारा भेट देण्याचा त्यांनी निश्चय केला. गावी आल्यानंतर कामाला लागत लागलीच त्यांनी संतोष पवार  या वेल्डिंग वाल्याना गाठत आवश्यक  आकारामध्ये धातूच्या जाड पत्र्याचा नगाऱ्याचा बेस बनवून घेतला. सुमारे साडेतीन फूट रुंद व अडीज फूट उंचीच्या नगारा चामड्याच्या बनविण्यात आला आहे. बाळू ...