वेंगुर्ले येथील वेशभूषा स्पर्धेला उस्फुर्त प्रतिसाद
वेंगुर्ले ता. १३: नववर्षाचे स्वागत करण्यासाठी हिंदू धर्माभिमानी मंडळ यांच्या वतीने आयोजित वेशभूषा वेशभूषा स्पर्धेला उत्स्फूर्त प्रतिसाद लाभला. यावेळी बालवाडी ते पहिली या गटातून कुमारी अत्रेया नंदकिशोर आचार्य, दुसरी ते चौथी या गटातून कुमारी प्रांजल रुपेश नार्वेकर, व पाचवी ते दहावी या गटातून कुमारी मुग्धा वामन गावडे यांनी प्रथम क्रमांक पटकावला. या स्पर्धेत तिन्ही गटांमध्ये एकूण ९८ स्पर्धक सहभागी झाले होते.
बालवाडी ते पहिली या गटामध्ये द्वितीय क्रमांक कुमारी उर्मी अक्षय परब ,तृतीय क्रमांक कुमारी आराध्या मंदार राऊळ व उत्तेजनार्थ प्रथम कुमार हेरंब जयराम राऊळ व उत्तेजनार्थ द्वितीय कुमार रघुवीर अमृत काणेकर यांनी यश प्राप्त केले.
तर दुसरी ते चौथी या गटामध्ये कुमार देवेश भगवान नवार याने द्वितीय क्रमांक, कुमारी शुभ्रा सदाशिव अंधारी तृतीय, कुमारी सानवी सहदेव परब उत्तेजनार्थ प्रथम व कुमारी दिव्या दिलीप मालवणकर हिने उत्तेजनार्थ द्वितीय क्रमांक मिळवला .
पाचवी ते दहावी या गटामध्ये द्वितीय क्रमांक कुमारी वरदा संदीप परब, तृतीय क्रमांक कु.जयेश रमेश सोनुर्लेकर ,उत्तेजनार्थ प्रथम कुमार निरज विश्वास पवार व उत्तेजनांर्थ द्वितीय कुमारी आर्या हर्षानंद जुवलेकर यांनी यश प्राप्त केले.
स्पर्धेचे परीक्षण बालवाडीतील पहिली या गटासाठी श्री संजय पाटील प्रा. श्री सचिन परुळकर व श्री. बागलकर सर यांनी केले तर दुसरी ते चौथी या गटासाठी श्री रमेश नार्वेकर, श्री महेश बोवलेकर व श्री खवणेकर सर यांनी परिक्षण केले,
तर पाचवी ते दहावी या गटासाठी अॅड.श्रीमती सुषमा खानोलकर, श्रीमती स्मिता मांजरेकर, श्रीमती मृण्मयी केरकर व श्रीमती रत्नप्रभा साळगावकर यांनी परीक्षण केले.
या स्पर्धेसाठी बालवाडी ते पहिली या गटासाठी श्री विनय गरगटे ,यश बँगल्स वेंगुर्ले बाजारपेठ, यांनी तर दुसरी ते चौथी व पाचवी ते दहावी या गटासाठी श्री मिलिंद पिंजानी,महेंद्र वस्त्र भांडार, वेंगुर्ले बाजारपेठ यांनी रोख बक्षिसे पुरस्कृत केली होती.
ही स्वागत यात्रा व स्पर्धा यशस्वी होण्यासाठी संयोजन समितीचे नियोजन प्रमुख श्री प्रसन्ना उर्फ बाळू देसाई, अॅड.सौ.सुषमा खानोलकर, रामेश्वर देवस्थानचे ट्रस्टी श्री रवी परब व श्री यशवंत उर्फ दाजी परब, तसेच श्री संजय पाटील ,श्री अजित राऊळ सर, श्री अरुण गोगटे यांनी प्रयत्न केले.
Comments
Post a Comment