बांद्याचा बाप्पा गणेशोत्सव मंडळाच्या महारक्तदान शिबिराला उस्फुर्त प्रतिसाद
बांदा:बांदा शहरात सार्वजनिक गणेशोत्सव मंडळ विठ्ठल मंदिर बांदा व सिंधुरत्न रक्त मित्र प्रतिष्ठान यांच्या संयुक्त विद्यमाने आयोजित महारक्तदान शिबिराला उत्स्फूर्त प्रतिसाद लाभला . यावेळी वाफोली पै काणे ग्रुपचे मॅनेजर संदीप रेडकर , बांदा आरोग्य केंद्राचे प्रतिनिधी डॉ . जगदीश पाटील . डॉ . पटवर्धन , पेडणे नगरपालिकेचे नगराध्यक्ष माधव देसायं , सिंधु रक्तमित्र प्रतिष्ठानचे अध्यक्ष प्रकाश तेंडोलकर , बांदा सरपंच अक्रम खान , बांदा तलाठी वर्षा नाडकर्णी , जि . प . माजी सदस्या श्वेता कोरगावकर , लोकमान्य मल्टिपर्पज सोसायटीचे बांदा शाखा व्यवस्थापक उमेश परब , मंडळाचे अध्यक्ष मंदार कल्याणकर , उपाध्यक्ष साईप्रसाद काणेकर ,
खजिनदार ओंकार नाडकर्णी , सचिव राकेश केसरकर , श्रीप्रसाद वाळके आदी उपस्थित होते . यावेळी गुणवंत विद्यार्थ्यांचा सन्मान करण्यात आला . यात युती वसंत राऊळ , रिद्धी महेश तळगावकर , वैष्णवी गोविंद भांगले प्राजक्ता मुकुंद दुग्गल , अथर्व प्रदीप देसाई , आर्या मंगलदास साळगावकर , अथर्व श्रीकांत महाबळ यांना गौरविण्यात आले . सिंधु रक्तमित्र प्रतिष्ठानचे अध्यक्ष प्रकाश तेंडोलकर यांचा ' रक्त मित्र ' प्रकाश तेंडोलकर यांचा ' रक्त मित्र ' या उल्लेखनीय कामगिरीबद्दल सत्कार करण्यात आला . या महारक्तदान शिबिरात १७२ रक्तदात्यांनी रक्तदान केले . गोवा मेडिकल कॉलेज बांबोळी गोवा , एस . एस . पी . एम . मेडिकल कॉलेज आणि लाईफ टाईम हॉस्पिटल पडवे यांच्या टीमने सहकार्य केले . सूत्रसंचालन रुपाली शिरसाट यांनी , प्रास्ताविक सचिव राकेश केसरकर यांनी व आभार मंदार कल्याणकर यांनी मानले .
Comments
Post a Comment